Exodo 7:9 - Kalin Apo Dios

⁹ “No kanan nan ali en omipaila kayo is kaskasdaaw ay mangpaneknek en inbaak dakayo dakat ibaga ken Aaron ta alaena nan sokodna ta itep-ana isnan sagang nan ali et menbalin ay oweg.”

Exodo 7:9 Iomraidhean Croise

Exodo 10:13

Dat isawad Moses san sokodna daet ipaey nan apo nan dagem ay nagapo isnan balaan di agew. Sin-agew ya sinlabiyan ay nindagem issan deey ay ili. Kawakgatana pay dat ikawit nan dagem nan adoado ay dodon et ipaeyna isnan dagan nan Egipto

Exodo 4:17

Ikakawitmo nan sokodmo ta awnitmo osalen ay mang-ikkan isnan kaskasdaaw.”

Exodo 4:2

Dat kanan nan apo ken siya en, “Ngan nan sana ay ginegen-am?” Dat kanan Moses en, “Sokodko.”

Exodo 4:20

Isonga dat ayagan Moses si asawana ya nan an-akna et ipalogana daida isnan kabayo et omeyda id Egipto. Inkakawitna san sokod ay inbilin Apo Dios en ikawitna.

Exodo 4:3

Dat kasin kanan nan apo en, “Itep-am isnan lota.” Idi intep-an Moses dat ninbalin ay oweg dat ninpangatagtag si Moses ay mangad-addawi.

Exodo 7:8

Nakwas pay di dat kanan nan apo ken da Moses ken Aaron en,

Exodo 9:23

Dat ingaton Moses nan sokodna id tag-ey et ipaey nan apo nan dalalo ya nan kido dapay makimat nan lota.

Isaias 7:11

“Ibagam ken sak-en ay Diosmo ta agtak sik-a is sinyal. Mabalin ay magapo isnan tean di natnatey wenno olay id ngato ay daya.”

Mateo 12:39

Ngem dat kanan Jesus, “Palalo nan kangawin nan ipogaw id wani tay dinokoganda si Apo Dios. Kaytenyo ay omipailaak is kaskasdaaw sakayopay mamati ken sak-en ngem maid polos ipailak nodi kedeng nan kaneg din kaskasdaaw ay inommat isdin si Jonas.

Juan 10:38

Ngem no nan ipaikkan Ama nan ik-ikkak et olay no adiyo patiyen nan kankanak et patiyenyo koma nan gawis ay inik-ikkak tasiyay getkenyo ay tet-ewa ay wada si Ama ken sak-en ya wadaak abes ken siya.”

Juan 2:18

Gapo isnan inikkan Jesus isnan Templo dat kanan nan aap-apon di Judio, “Ngan di kaskasdaaw ay ikkam ta kail-ana ay waday kalintegam ay mang-ikkan isna?”

Juan 6:30

Dadat kanan, “Ngan ngalod di kaskasdaaw is ipailam tasiyay mamati kami ken sik-a? Ay ngan nan ikkam?