Exodo 7:5 - Kalin Apo Dios

⁵ Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan apo.”

Exodo 7:5 Iomraidhean Croise

Salmo 138:7

Olay no dadama nan ligatko et egaymo inpalobos ay waday ommat ken sak-en. Ya dosaem nan mang-ap-apos ay dadama nan ligetda ken sak-en ya mangisalakanka isnan panakabalinmo.

Salmo 9:16

Naipagtek nan apo isnan nalinteg ay men-ok-okomana isonga nasilowan nan managbasol isnan ngawi ay ik-ikkanda.

Exodo 10:2

ya ta waday esayo sodsodoken is komasin isnan an-akyo ya ap-oyo no ngan nan inkakak ay nangpaligat isnan iyEgipto isnan nangipailaak ken daida isnan naayda ay kaskasdaaw. Et awnit siya nan manggetkanyo am-in ay ipogaw ay sak-en nan apo.”

Exodo 10:7

Dat kanan nan oopisyalis isnan ali en, “Ay tongona pay di somaldengan nan deey am-ama ay mangpaligaligat ken datako? Palobosam et od daida ay lalalaki ta omeyda mendayaw isnan apo ay Diosda. Ay adim ilan ay naay maengew nan ili tako?”

Exodo 14:18

Isnan mang-abakak ken daida et awnit getkenda et ay sak-en nan apo.”

Exodo 14:4

Awnitko pakedseen nan nemnem san ali et onodenda kayet dakayo. Et awnitak maidaydayaw isnan mang-abakak ken daida ay iyEgipto ya nan sosoldadoda. Awnit siya nan mangtekan nan iyEgipto ay sak-en nan apo.” Et pinatin nan Israelita nan naibaga ken daida.

Exodo 3:20

ngem awnitak osalen nan panakabalinko ay mang-ikkan is kaeegyat ay mangdosa isnan iyEgipto. No makwas dadi et awnit palobosan nan ali dakayo ay komaan id Egipto.

Exodo 6:1

Dat kanan nan apo ken Moses en, “Owen, ngem awnitmo ilaen nan ikkak isnan ali. Tay awnitak piliten ay mangipalobos isnan ipogawko. Kinatet-ewana et awnit mapilitan ay mangipakaan ken daida isnan ilina.”

Exodo 6:6

Isonga kanam na isnan Israelita, ‘Sak-en nan apo, badangak dakayo ta mawayaan kayo isnan mendagsen ay ipaob-oblan nan iyEgipto ken dakayo. Ipailak nan panakabalinko isnan mangdosaak isnan iyEgipto ta isalakak dakayo.

Exodo 7:17

Et id wani kanan nan apo en awnitmo getken no sino siya isnan naay ay ikkana. Ilaem ta isaplitko nan naay sokod isnan danom isnan naay ginawang et awnit menbalin ay basa.

Exodo 8:10

Dat kanan san ali en, “Ilowalom is wakgat.” Dat kanan Moses en, “Ikkak ay kaneg nan kaytem ay maikkan tapno pangtekam ay maid dios is kaneg nan apo ay Diosmi.

Exodo 8:19

isonga dat kanan nan deeyday mensalsalamangka isnan ali en, “Tet-ewa ay si Apo Dios nan nang-ikkan isna.” Ngem inpakekedsen kayet san ali nan nemnemna et egayna kayet pinati da Moses ken Aaron ay kaneg din kinwanin Apo Dios.

Exodo 8:22

Ngem isnan agew ay deey et adiyak itapi nan ili ay Gosen ay kad-an nan ipogawko tapno maid ngilaw isdi et siya nan mangtekam ay sak-en ay apo et wadaak isnan batawa.

Ezekiel 39:22

Et siya et nan panggetkan nan Israelita ay sak-en nan apo ay Diosda.