Exodo 7:3 - Kalin Apo Dios

³ Ngem awnitak ipakedse nan nemnem san ali ta adina idnge dakayo ay olay no adoado ay kaeegyat ay kaskasdaaw nan esak ipaila id Egipto.

Exodo 7:3 Iomraidhean Croise

Nehemias 9:10

Inpailam nan nakaskasdaaw ay nangpaligat isnan alin di Egipto ya isnan kaipoipogawna tay gintekmo din nangpalpaligatanda isnan ipogawmo. Et gapo isnan naay inikkam et naipangato nan ngadanmo ay enggana id wani.

Salmo 135:9

Inikkana nan kaskasdaaw ay mangdosa isnan ali ya nan itoltolayan nan ali id Egipto.

Salmo 78:12

Isnan sagang nan aamam-ada et inikkana nan kaskasdaaw isnan sakop di Soan id Egipto.

Exodo 11:10

Isonga olay inikkan da Moses ken Aaron am-in nan naayda ay kaskasdaaw isnan sagang san ali et inpakedsen kayet nan apo nan nemnem san ali et egayna inpalobos ay komaan nan Israelita.

Exodo 11:9

Ngem epdas kinwanin nan apo ken Moses en, “Awnit kayet adi idngen nan ali sik-a tasiyay maikkak nan ad-ado pay ay kaskasdaaw isnan ili ay Egipto.”

Exodo 14:4

Awnitko pakedseen nan nemnem san ali et onodenda kayet dakayo. Et awnitak maidaydayaw isnan mang-abakak ken daida ay iyEgipto ya nan sosoldadoda. Awnit siya nan mangtekan nan iyEgipto ay sak-en nan apo.” Et pinatin nan Israelita nan naibaga ken daida.

Exodo 3:20

ngem awnitak osalen nan panakabalinko ay mang-ikkan is kaeegyat ay mangdosa isnan iyEgipto. No makwas dadi et awnit palobosan nan ali dakayo ay komaan id Egipto.

Exodo 4:29

Dat menboweg da Moses ken Aaron ay omey id Egipto. Omdanda pay isdi dadat dagopen am-in nan aamam-an di Israelita.

Exodo 4:7

Danat kasin kanan ken Moses en, “Kasinmo ipasgep nan ledengmo isnan badom.” Dat kasin ipasgep Moses nan ledengna et idi ipabalana kasin et ginmawis ay kaneg san sigod ay kodilna.

Exodo 7:13

Dat kayet ipakekedsen san ali nan nemnemna ay kaneg san kinwanin nan apo en adi idngen nan ali da Moses ken Aaron.

Exodo 9:16

Ngem inpalobosko ay matago kayo ta ipailak ken dakayo nan kabaelak tapno maipagtek isnan batawa nan kabaelan nan ngadanko.

Isaias 51:9

Magidoka apo ta badangam kad dakami. Osalem nan panakabalinmo ta isalakanmo dakami ay kaneg san inik-ikkam id kasikasin, tay inabakmo nan iyEgipto

Juan 4:48

Ngem dat kanan Jesus, “Ay adi kayo mamati no maid ilaenyo is kaskasdaaw?”

Aapostolis 2:22

Dat itoloy Pedro ay mangwani en, “Dakayo ay ib-ak ay Judio, dengngenyo pod nan kanak. Si Jesu Kristo ay iNazaret et inpagtek Apo Dios ken dakayo ay siya nan inbaana tay adoado nan kaskasdaaw ay inik-ikkana ay mangipaila isnan kabaelana. Et getkenyo dana tay inilayo nan inpaikkan Apo Dios ken Jesus.

Aapostolis 7:36

Din si Moses met laeng nan nang-ik-ikkan isnan kaskasdaaw isnan nangipangpangowana ken daida isnan kinmaananda id Egipto ya isnan inikkanda ay ginomdang isnan baybay ay makwani en Gadangdang ya nan inik-ikkana isnan epatpoo ay tew-en ay nindad-aananda isnan pondag.

Roma 15:19

Binadbadangana sak-en isnan inik-ikkak ya isnan kinkinwanik ya isnan kabaelak ay nang-ik-ikkan isnan kaskasdaaw gapo isnan kabaelan nan Ispirito Santo. Isonga inlogik id Jerusalem ay enggana id Ilirico et maid linaosak is egayak mangibagaan isnan gawis ay damag ay maipanggep ken Kristo.

Roma 9:18

Isonga getken tako ay seg-angan Apo Dios nan kayatna ay seg-angan ya pakentegena nan olon nan kayatna ay pakentegen.

Deuteronomio 4:34

Ay waday teken is dios is nang-ikaan isnan kaipoipogaw ay itoltolayan di teken ay ili ay kaneg nan inikkan nan apo ay Diosyo id Egipto? Inilayo met nan nangpaligatana ken daida isnan nang-ikkanana isnan kaskasdaaw, kaeegyat ya nan nanggobatana ken daida gapo isnan panakabalina.