Exodo 7:22 - Kalin Apo Dios

²² Ngem inikkan abes san deeyday mensalsalamangka isonga dat am-amed inpakedsen san ali nan nemnemna et egayna pinati da Moses ken Aaron ay kaneg san kinwanin nan apo.

Exodo 7:22 Iomraidhean Croise

Genesis 41:8

Issan kawakgatana et dadama ay masasangot no ngan nan kayat ay kanan nan iitawna isonga danat paayagan am-in ay mamasilib is panggep di iitaw ya tap-in di kinasilib id Egipto. Inbagana ken daida nan iitawna ngem maiwed makaibaga isnan kayat ay kanan nan iitawna.

Exodo 7:11

Dat paayagan nan ali nan mamasilib ya mensalsalamangka ay ipogawna et mensalamangkada abes dadapay ikkan nan inikkan Aaron.

Exodo 7:13

Dat kayet ipakekedsen san ali nan nemnemna ay kaneg san kinwanin nan apo en adi idngen nan ali da Moses ken Aaron.

Exodo 7:21

Natey nan ikan dat somongsong nan ginawang isonga adiyet mainom nan iyEgipto san deey danom. Ninbalin ay basa nan am-in ay danom id Egipto.

Exodo 7:23

Dat somagong san ali isnan baeyna ay egayna polos inkaskaso san inikkanda.

2 Timoteo 3:8

Nan aginsosolot ken Kristo et kanegda din da Janes ken Jambres tay inap-aposda din si Moses id kasikasin. Nan aginsosolot et ap-aposenda abes nan tet-ewa ay magapgapo ken Apo Dios. Asiasi nan nemnemda ya baken polos tet-ewa nan pammatida.