Exodo 7:17 - Kalin Apo Dios

¹⁷ Et id wani kanan nan apo en awnitmo getken no sino siya isnan naay ay ikkana. Ilaem ta isaplitko nan naay sokod isnan danom isnan naay ginawang et awnit menbalin ay basa.

Exodo 7:17 Iomraidhean Croise

Salmo 105:29

Pinabalina nan danom is basa isnan kaginaginawang danapay pinatey am-in nan ikan is dadi.

Salmo 78:44

Pinabalina ay basa nan ginawang ya disik id Egipto et maid danom is mabalin ay inomenda.

Salmo 83:18

Ipagtekmo koma ken daida ay kedkedengka is apo ay Kangangatowan ay mentolay isnan batawa.

Salmo 9:16

Naipagtek nan apo isnan nalinteg ay men-ok-okomana isonga nasilowan nan managbasol isnan ngawi ay ik-ikkanda.

Exodo 1:22

Dat bilinen nan alin di Egipto nan ipogawna et kanana ken daida en, “Enkayo alaen am-in ay kaiyan-anak ay lalaki ay Hebreo ta iwasityo daida isnan ginawang ay Nile ngem bay-anyo nan bababai ay matago.”

Exodo 10:2

ya ta waday esayo sodsodoken is komasin isnan an-akyo ya ap-oyo no ngan nan inkakak ay nangpaligat isnan iyEgipto isnan nangipailaak ken daida isnan naayda ay kaskasdaaw. Et awnit siya nan manggetkanyo am-in ay ipogaw ay sak-en nan apo.”

Exodo 4:9

Ngem no adida kayet patiyen nan naay ay dowa ay nakaskasdaaw ya adida idnge nan kanam dakat omala is danom isnan ginawang ay Nile damet ibokbok isnan lota et awnit menbalin ay basa san danom.”

Exodo 5:2

Dat kanan san ali en, “Ay sino sa ay apo ay masapol di patiyek ta palobosak nan Israelita? Adiyak getgetken nan sana ay apo ay kankananyo et adyak palobosan daida.”

Exodo 6:7

Menbalinek dakayo ay ipogawko et sak-en nan Diosyo. Et awnityo mangtekan ay sak-en nan apo ay Diosyo ay nangwaya ken dakayo isnan dadama ay naligat ay ipaob-oblan nan iyEgipto ken dakayo.

Exodo 7:20

Pinatin da Moses ken Aaron nan inbilin nan apo. Et isnan sagang san ali ya nan iib-ana dat tet-ewa isawad Aaron nan sokodna et isaplitna isnan ginawang dat menbalin nan danom is basa.

Exodo 7:5

Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan apo.”

Ezekiel 39:28

Dat getken nan ipogawko ay sak-en nan apo ay Diosda. Getkenda na gapo isnan mang-ikaanak ken daida ay kaneg balod dat id wani daket dagopen daida ta somagongda isnan dagada ay maid polos olay esa is mabaybay-an.

Naipagtek 11:6

Wada gedan nan kabaelanda ay mangipatiyagew ta adi omod-odan isnan mangibagbagaanda isnan inbagan Apo Dios ken daida. Et wada abes nan kabaelanda ay mangipabalin isnan danom is basa. Ya wada gedan nan kabaelanda ay mangpaligat isnan kaipoipogaw is kompolmi ay ligat basta laydenda.

Naipagtek 8:8

Idi nintanggoyob nan maikadwa ay anghel dat mawada nan kaneg dakkel ay bilig ay menbidbidang et naibkas isnan baybay. Dat menbalin nan pagkatlon di baybay is basa