Exodo 7:16 - Kalin Apo Dios

¹⁶ No omdan san ali isdi dakat kanan ken siya en, ‘Inbaan nan apo ay Dios di Hebreo sak-en ay mangibaga ken sik-a en palobosam nan ipogawna ta omeyda mendayaw ken siya isnan pondag ngem enggana id wani et egaymo pinati.

Exodo 7:16 Iomraidhean Croise

Exodo 10:3

Dat kasin omey da Moses ken Aaron isnan ali et kananda ken siya en, “Kanan nan apo ay Dios di Hebreo en ay tongona pay kano di menpakombabaam. Ipalobosmo et kano nan ipogawna ta omeyda mendayaw ken siya.

Exodo 14:5

Idi gintek nan alin di Egipto en kinmaan et nan Israelita dat matken nan nemnemna ya nan iib-ana dadat kanan en, “Ay ngan pay nan inikkan tako ay naay? Aped tako inpalobos nan Israelita ay komaan et dey maid et bab-aaen tako.”

Exodo 3:12

Dat kanan Apo Dios ken siya en, “Wawawawadaak ken sik-a. Nan mangpaneknek ken daida ay sak-en nan nangibaa ken sik-a et nan mangipangowam isnan ipogawko ay komaan id Egipto ay omali isna ta daydayawenyo sak-en isnan naay bilig.”

Exodo 3:13

Dat kasin kanan Moses en, “No pay omeyak isnan Israelita daket ibaga ken daida en inbaan nan Dios di alal-apoda id kasin sak-en ya no sootenda pay abes nan ngadana ya nan kanegna, ay ngan pay di esak kanan?”

Exodo 3:18

Awnit idngen nan ipogawko nan ibagam ken daida. Dakat maiboweg isnan aamam-an di Israelita ta omey kayo isnan alin di Egipto et kananyo ken siya en, ‘Nan apo ay Dios di Hebreo et ninpaila ken dakami. Isonga pangaasim ta palobosam dakami ay menbaat is tolo ay agew isnan pondag ta omey kami menpalti is igasingmi isnan apo ay Diosmi.’

Exodo 7:4

Daket dosaen is mendagsen ay dosa nan iyEgipto daket ikaan nan ipogawko ay Israelita.

Exodo 8:1

danat kasin kanan ken Moses en, “Enka kasin issan ali ta ibagam en kanan nan apo en palobosam nan ipogawna ta omeyda mendayaw ken siya.

Exodo 8:20

Dat kasin kanan nan apo ken Moses en, “Isnan wakgawakgat is wakgat dakat omey sab-aten nan ali no omey isnan ginawang dakat ibaga ken siya ay kinwanin nan apo en, ‘Palobosam nan ipogawko ta omalida mendayaw ken sak-en.

Exodo 9:1

Dat kasin kanan nan apo ken Moses en, “Omeyka kasin isnan ali ta ibagam en kinwanin nan apo ay Dios di Hebreo en, ‘Palobosam nan ipogawko ta omalida mendayaw ken sak-en.

Exodo 9:13

Nakwas pay di dat kanan kasin nan apo ken Moses en, “Masapaka is wakgat ta omeyka isnan ali ta ibagam en kinwanik en, ‘Sak-en ay apo ay Dios di Hebreo et kanak en palobosam nan ipogawko ta omalida ay mangdayaw.

Isaias 45:13

Sak-en mismo ay mang-ipaikkan ken Ciro isnan ikkana ta matongpal nan laydek ya mapaosto nan am-in ay banag et maid nangbayad wenno nangpasoksok ken siya ta ikkana dana. Dataek am-in ay daan ay daanena ta kasina tooden nan ilin nan Jerusalem danapay wayaan nan ipogawko ay naibabalod.” Siya na nan kinwanin nan apo ay manakabalin.