Exodo 7:10 - Kalin Apo Dios

¹⁰ Dat omey da Moses ken Aaron isnan ali et ikkanda nan inbilin nan apo. Intep-an Aaron nan sokodna isnan sagang nan ali ya isnan iib-ana dat tet-ewa menbalin is oweg.

Exodo 7:10 Iomraidhean Croise

Salmo 135:9

Inikkana nan kaskasdaaw ay mangdosa isnan ali ya nan itoltolayan nan ali id Egipto.

Exodo 12:28

Dadat omey ikkan nan bilin ay inbagan nan apo ken da Moses ken Aaron.

Exodo 4:3

Dat kasin kanan nan apo en, “Itep-am isnan lota.” Idi intep-an Moses dat ninbalin ay oweg dat ninpangatagtag si Moses ay mangad-addawi.

Exodo 7:15

Isonga is wakgat et omeyyo sab-aten nan ali no omey isnan ginawang ay Nile. Ikakawityo din pinabalinyo is oweg ay sokod dakayot sed-en siya isnan benget san ginawang.

Exodo 7:20

Pinatin da Moses ken Aaron nan inbilin nan apo. Et isnan sagang san ali ya nan iib-ana dat tet-ewa isawad Aaron nan sokodna et isaplitna isnan ginawang dat menbalin nan danom is basa.

Exodo 7:6

Dat ikkan da Moses ken Aaron nan am-in ay inbilin nan apo.

Exodo 7:9

“No kanan nan ali en omipaila kayo is kaskasdaaw ay mangpaneknek en inbaak dakayo dakat ibaga ken Aaron ta alaena nan sokodna ta itep-ana isnan sagang nan ali et menbalin ay oweg.”

Marcos 16:18

ya no bangten nan oweg daida ya no ominomda is kedet et maid ommat ken daida. Ya mo gen-anda nan awak nan mensakit et gomawisda.”

Lucas 10:19

Inidyak od nan panakabalinyo tasiyay olay gatgatinanyo nan oweg ya nan minoong et maid ngawi is om-ommat ken dakayo ya abakenyo gedan nan kabaelan Satanas.