Exodo 6:7 - Kalin Apo Dios

⁷ Menbalinek dakayo ay ipogawko et sak-en nan Diosyo. Et awnityo mangtekan ay sak-en nan apo ay Diosyo ay nangwaya ken dakayo isnan dadama ay naligat ay ipaob-oblan nan iyEgipto ken dakayo.

Exodo 6:7 Iomraidhean Croise

Genesis 28:13

Isnan sag-ena et wada nan apo ay tomatakdeg ay mangmangwani en, “Sak-en nan apo ay Dios da Abraham ken Isaac ay amam. Awnitak idya ken sik-a ya nan ap-om nan daga ay naay ay pinopodanam.

Salmo 100:3

Adiyo kalingkingan ay nan apo et Dios. Siya nan nangboliw ken datako et kowana datako. Owen, ipogawna datako et datako nan kanegna kalnilo ay ay-ayowanana.

Salmo 81:6

Kinwanin Apo Dios en, “Kinaanko nan mendagsen ay binoboliganyo et nawayaan kayo isnan inaawityo ay mendagsen.

Exodo 14:18

Isnan mang-abakak ken daida et awnit getkenda et ay sak-en nan apo.”

Exodo 14:4

Awnitko pakedseen nan nemnem san ali et onodenda kayet dakayo. Et awnitak maidaydayaw isnan mang-abakak ken daida ay iyEgipto ya nan sosoldadoda. Awnit siya nan mangtekan nan iyEgipto ay sak-en nan apo.” Et pinatin nan Israelita nan naibaga ken daida.

Exodo 15:2

Nan apo nan napigsa ay mangsalsalaknib ken sak-en. Siya nan nangisalakan ken sak-en. Siya nan Diosko ay daydayawek. Siya nan Dios din alal-apok isonga iday-engko nan kinangatona.”

Exodo 16:12

“Dinngek nan lilin nan Israelita. Ibagam ken daida ay isnan masdem et awnit wada nan kalni ay isdada dat isnan wakgat et wada abes nan makan ay kanenda enggana ay mapnekda. Et awnit siya na nan manggetkanda ay sak-en nan apo ay Diosda.”

Exodo 16:6

Isonga dat kanan da Moses ken Aaron isnan Israelita en, “Id wani ay masdem et siya nan mangtekanyo ay nan apo nan nangikaan ken dakayo id Egipto.

Exodo 2:11

Nallos nan ado ay tew-en et nasiken et si Moses. Isnan naminsan ay agew ay inmey isnan kad-an nan iib-ana ay Hebreo et nailana nan mangpalpaligatan nan iyEgipto ken daida ay men-obla is mendagsen ya inilana pay nan mangsogsogtowan nan esay iyEgipto isnan esay kailyana ay Hebreo.

Exodo 6:6

Isonga kanam na isnan Israelita, ‘Sak-en nan apo, badangak dakayo ta mawayaan kayo isnan mendagsen ay ipaob-oblan nan iyEgipto ken dakayo. Ipailak nan panakabalinko isnan mangdosaak isnan iyEgipto ta isalakak dakayo.

Exodo 7:17

Et id wani kanan nan apo en awnitmo getken no sino siya isnan naay ay ikkana. Ilaem ta isaplitko nan naay sokod isnan danom isnan naay ginawang et awnit menbalin ay basa.

Isaias 41:20

tapno no ilaen nan ipogaw dana et getkenda ay sak-en ay apo nan nang-ikkan et maawatanda ay nan tet-ewa ay Dios di Israel nan nang-ikkan is dana.”

Jeremias 31:33

Ngem siya na nan balo ay awnitko makitolagan isnan Israelita. Kanak en awnitak ipagtek nan lintegko ken daida. Owen, ipanemnemko ken daida ta adida polos kalkalingkingan ta sak-en nan Diosda et daida nan ipogawko.

Mateo 22:32

‘Sak-en nan Dios ay daydayawen da Abraham ken Isaac ya si Jacob.’ Ngem epdas natey da Abraham issan nangwaniyan Apo Dios isdi. Et siya di nan manggetkan tako ay matatago kayet nan natey ay ipogaw Apo Dios tay adi kabalin ay kanan Apo Dios en daydayawenda siya kayet no egayda natago kasin.”

Roma 8:31

Sino ngen nan kayat da todi am-in ay ipagtek? Nan ipagpagtekda ken datako et maid polos mabalin is mangipasakit ken datako tay pilmi nan layad Apo Dios ken datako.

Deuteronomio 4:20

Ngem dakayo nan insalakana id Egipto isnan dadama ay ligatyo ta menbalinena dakayo ay ipogawna ay kaneg id wani.

Hebreo 11:16

Ngem egayda nodi kakakakayatda nan kagawisan ay ili et siya nan kad-an Apo Dios. Isonga gapo isnan gawis ay pammatida et maid polos kabainan Apo Dios isnan nangwaniyanda en si Apo Dios nan Diosda. Mamagtek ay tet-ewa di tay wada nan ili ay insaganana ay pala ken daida.

1 Pedro 2:10

Id kasin baken ipogaw Apo Dios dakayo ngem id wani ipogawna dakayo. Id kasin egayyo liknaen nan seg-angna ngem id wani et likliknaenyo.

Naipagtek 21:3

Daket dengngen nan napigsa ay kali ay nagapo isnan tokdowan di mentolay ay mangwani en, “Id wani et makitetee si Apo Dios isnan ipogaw. Iib-aana daida et daida nan ipogawna. Owen, siya ay mismo nan makitetee ken daida et siya nan Diosda.

Naipagtek 21:7

Nan adi mangipalobos ay abaken Satanas daida et sak-en nan Diosda ya menbalinek daida is an-akko.