Exodo 6:6 - Kalin Apo Dios

⁶ Isonga kanam na isnan Israelita, ‘Sak-en nan apo, badangak dakayo ta mawayaan kayo isnan mendagsen ay ipaob-oblan nan iyEgipto ken dakayo. Ipailak nan panakabalinko isnan mangdosaak isnan iyEgipto ta isalakak dakayo.

Exodo 6:6 Iomraidhean Croise

1 Aali 8:42

tay dinngeda nan panakabalinmo ya nan nakaskasdaaw ay inik-ikkam isnan ipogawmo. No omalida ay menlowalo isnan pantew nan Templom

Salmo 77:16

Apo Dios, isnan nang-ilaan nan ginawang ken sik-a et inmegyat ya olay nan kaadaeman di baybay et ninpayegpeg.

Salmo 81:11

Ngem egay kayet inidngen nan ipogawko sak-en. Owen, daida ay Israelita et egayda tinongpal sak-en.

Salmo 81:6

Kinwanin Apo Dios en, “Kinaanko nan mendagsen ay binoboliganyo et nawayaan kayo isnan inaawityo ay mendagsen.

Salmo 81:7

Isdin maligligatanyo et nindawat kayo ken sak-en et insalakanko dakayo. Isnan kad-ak id daya et sinongbatak dakayo isnan kido daket padasen dakayo isdin kawad-anyo isnan balaan id Meriba.

Exodo 1:11

Daet mendotok nan iyEgipto is kapatas ay mangpaobla isnan Israelita is mendagsen tapno mapaligatanda. Isonga pinabangonda isnan Israelita nan dowa ay ili ay Pitom ya Rameses ay pala isnan ali ay pagpondowan di makan.

Exodo 12:41

Nakwas pay nan epat gasot ya tolompoo ay tew-en dat komaan am-in nan ipogaw nan apo id Egipto.

Exodo 12:51

Nan deey ay agew et siya nan nangikaanan nan apo isnan Israelita id Egipto.”

Exodo 16:6

Isonga dat kanan da Moses ken Aaron isnan Israelita en, “Id wani ay masdem et siya nan mangtekanyo ay nan apo nan nangikaan ken dakayo id Egipto.

Exodo 2:11

Nallos nan ado ay tew-en et nasiken et si Moses. Isnan naminsan ay agew ay inmey isnan kad-an nan iib-ana ay Hebreo et nailana nan mangpalpaligatan nan iyEgipto ken daida ay men-obla is mendagsen ya inilana pay nan mangsogsogtowan nan esay iyEgipto isnan esay kailyana ay Hebreo.

Exodo 3:17

Et ninemnemko ay ikaan daida id Egipto ay mapalpaligatanda ta iyeyko daida isnan ilin nan Cananeo, Heteo, Amorreo, Perezeo, Heneo ya Jebuseo ay gawigawis ya magabay ay ili.

Exodo 3:8

Isonga inmaliyak tapno isalakak daida isnan iyEgipto ya ta ikaanko daida isnan kabaelan di iyEgipto ta iyeyko daida isnan gawigawis ya magabay ay ili. Isdi nan menteteean nan naayda ay Cananeo, Heteo, Amorreo, Perezeo, Heneo ya Jebuseo id wani.

Exodo 32:11

Ngem dat menpakpakaasi si Moses isnan apo ay Diosna et kanana en, “apo, adika koma makaliget isnan ipogawmo ay winayaam id Egipto isnan kabaelam ya panakabalinmo ay inpail-ilam.

Exodo 6:2

Dat itoloy Apo Dios ay mangwani en, “Sak-en nan apo.

Exodo 6:29

et kinwanina en, “Sak-en nan apo. Ibagam isnan alin di Egipto nan am-in ay ibagak ken sik-a.”

Exodo 6:8

Daket iyey dakayo isnan ili ay insapatak ay itedko ken da Abraham, Isaac yas ken Jacob. Itedko nan ili ay deey ta menkowayo. Sak-en nan apo.’”

Exodo 7:4

Daket dosaen is mendagsen ay dosa nan iyEgipto daket ikaan nan ipogawko ay Israelita.

Exodo 7:5

Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan apo.”

Aapostolis 13:17

Nan daydayawen tako ay Judio et si Apo Dios. Siya nan nangpili isdin alal-apo tako ay an-ak din si Israel. Et siya gedan nan nangipaad-ado ken daida isdin ninteteanda id Egipto. Siya abes nan nangipaila isnan pigsana ay nangipango ken daida ay komaan id isdi.

Deuteronomio 26:8

Dat isalakan nan apo dakami id Egipto isnan nang-ipailaana isnan panakabalina isnan nang-ikkanana isnan ado ay kaskasdaaw ya kaeegyat.

Deuteronomio 4:23

Makailanyo ta adiyo kalkalingkingan nan nakitolagan nan apo ay Diosyo ken dakayo. Tongpalenyo nan bilina ay adi kayo somapsapo is kompolni ay ila ay sinangdidiosyo.

Deuteronomio 4:34

Ay waday teken is dios is nang-ikaan isnan kaipoipogaw ay itoltolayan di teken ay ili ay kaneg nan inikkan nan apo ay Diosyo id Egipto? Inilayo met nan nangpaligatana ken daida isnan nang-ikkanana isnan kaskasdaaw, kaeegyat ya nan nanggobatana ken daida gapo isnan panakabalina.

Deuteronomio 5:15

Adiyo kalkalingkingan ay baa kayo id Egipto et sak-en ay apo ay Diosyo nan nang-isalakan ken dakayo isnan panakabalinko. Isonga sak-en ay apo ay Diosyo et ibilinko ken dakayo ay adi kayo men-obla isnan agew di illeng.

Deuteronomio 6:12

et makailanyo ta adiyo kalkalingkingan nan apo ay nang-isalakan ken dakayo id Egipto ay nabab-aaanyo.