Exodo 6:3 - Kalin Apo Dios

³ Sak-en nan Dios ay manakabalin ay ninpaila id kasin ken da Abraham, Isaac yas ken Jacob ngem egayko inbaga ken daida nan ngadanko.

Exodo 6:3 Iomraidhean Croise

Genesis 13:18

Isonga dat men-aton da Abram et menteeda isnan sag-en nan kak-aiw id Mamre id Hebron dat mensapo isdi is mangpop-oowana is igasgasingna isnan apo.

Genesis 17:1

Idi siyampoo ya siyam nan tew-en Abram dat menpaila kasin nan apo ken siya et kanana, “Sak-en si Apo Dios ay manakabalin. Tongtongpalem sak-en ta adim ik-ikkan nan ngawi.

Genesis 22:14

Nginadnan Abraham san bilig ay deey is “It-ited nan apo nan masapol tako” gapo tay intedna san kalnilo et enggana id wani et siya kayet nan pangwanin nan ipogaw.

Salmo 68:4

Ikantaanyo si Apo Dios. Ikantaanyo is pangdaydayaw nan ngadana. Dayawenyo siya ay menlologan isnan liboo. apo nan ngadana. Gomasing kayo ken siya.

Salmo 83:18

Ipagtekmo koma ken daida ay kedkedengka is apo ay Kangangatowan ay mentolay isnan batawa.

Exodo 3:14

Dat kanan Apo Dios en, “Sak-en nan Wawawawada. Siya na nan kanam ken daida, ‘Inbaan nan makwani en apo ay Wawawawada sak-en ken dakayo.’ ”

Isaias 42:8

Sak-en et kedeng nan apo ay Dios et adi mabalin ay maitapi nan sinangdidios isnan kinangatok. Adiyak ipalobos ay itapida ay mangdayaw isnan tinagtago isnan mangdaydayawanda ken sak-en.

Isaias 44:6

Nan apo ay manakabalin ay mentoltolay ya mangsalsalaknib isnan Israel et siya na nan kanana, “Sak-en nan nangwada isnan am-in ay wada ya sak-en gedan nan mangkombos isnan am-in. Maid teken is dios nodi sak-en et kedeng.

Ezekiel 37:13

Isnan kanegko mangtokaban isnan pantiyong ay naikaoban nan ipogawko daket ipabala daida et awnit siya nan mangtekanda ay sak-en nan apo.

Ezekiel 37:6

Agtak dakayo is owat ya begas daket bongonen dakayo is kodil daket paangesen dakayo ta kasin kayo matago. Isnan keg todi et siya nan manggetkanyo ay sak-en nan apo.’ ”

Juan 8:58

Dat kanan Jesus, “Ibagak nan tet-ewa ken dakayo, nawadaak esapay naiyanak si Abraham.”

Naipagtek 1:4

Nan mangipaw-itak isnan solat ay naay et omey isnan mamati ken Apo Dios ay mentetee isnan pito ay ili ay tapin di ili isnan probinsiya ay Asia. Sapay koma ta likliknaenyo nan gawis ay layad ya anos ya natalna ay nemnem ay magapgapo ken Apo Dios ya nan Ispiritona yas Jesu Kristo. Si Apo Dios et mawawawada ay maid logina wenno patenggana. Nan Ispiriton Apo Dios ay wada isnan sagangna et pito nan mangipailaana isnan panakabalin Apo Dios. Si Jesu Kristo et siya nan matalek ay mangpaneknek isnan maipanggep ken Apo Dios. Siya gedan nan damo ay natago kasin ay adi katkatey et siya gedan nan Apon am-in nan apo isnan naay ay batawa. Sapay koma ta siya nan madaydayaw ya mentoltolay ay enggana. Pilmi nan layadna ken datako. Sinakbotna datako isnan basbasol tako gapo isnan nateyana. Intapina datako isnan awnitna mentolayan et ninbalinena datako is mensilsilbi ken Amana ay Apo Dios ay kaneg nan ninsilsilbiyan nan papadin di Judio ken Apo Dios.