Exodo 6:2 - Kalin Apo Dios

² Dat itoloy Apo Dios ay mangwani en, “Sak-en nan apo.

Exodo 6:2 Iomraidhean Croise

Genesis 15:7

Danat kanan ken Abram, “Sak-en nan apo ay nang-ibala ken sik-a id Ur id Babilonia ta idyak ken sik-a nan naay daga ay menkowam.”

Exodo 12:12

Isnan labin todi et awnitak omey ay mangsolsol isnan am-in ay ilin nan Egipto et pateyek am-in ay iyon-a ay lalaki ay anak ay ipogaw wenno talaken dakpay dadaelen am-in ay didiosen nan Egipto. Sak-en nan apo.

Exodo 14:18

Isnan mang-abakak ken daida et awnit getkenda et ay sak-en nan apo.”

Exodo 17:1

Nakwas pay di dat komaan nan Israelita isnan pondag ay Sin et nin-at-at-atonda isnan nateketekan ay logal tay siya nan bilin nan apo. Ninkampoda id Refidim ngem maid mainom is danom isdi.

Exodo 20:2

“Sak-en nan apo ay Diosyo ay nang-ikaan ken dakayo id Egipto ay nabab-aaanyo.

Exodo 3:14

Dat kanan Apo Dios en, “Sak-en nan Wawawawada. Siya na nan kanam ken daida, ‘Inbaan nan makwani en apo ay Wawawawada sak-en ken dakayo.’ ”

Exodo 3:15

Kinwanina pay en, “Ibagam isnan Israelita en sak-en nan apo ay Dios din alal-apoyo id kasin ay da Abraham, Isaac, yas Jacob nan nangibaa ken sik-a ay omey ken daida. Siya na nan ngadanko ay eng-engngana. Siya na nan awnit pangwanin nan am-in ay ipogaw ken sak-en.

Exodo 6:29

et kinwanina en, “Sak-en nan apo. Ibagam isnan alin di Egipto nan am-in ay ibagak ken sik-a.”

Exodo 6:6

Isonga kanam na isnan Israelita, ‘Sak-en nan apo, badangak dakayo ta mawayaan kayo isnan mendagsen ay ipaob-oblan nan iyEgipto ken dakayo. Ipailak nan panakabalinko isnan mangdosaak isnan iyEgipto ta isalakak dakayo.

Exodo 6:8

Daket iyey dakayo isnan ili ay insapatak ay itedko ken da Abraham, Isaac yas ken Jacob. Itedko nan ili ay deey ta menkowayo. Sak-en nan apo.’”

Isaias 42:8

Sak-en et kedeng nan apo ay Dios et adi mabalin ay maitapi nan sinangdidios isnan kinangatok. Adiyak ipalobos ay itapida ay mangdayaw isnan tinagtago isnan mangdaydayawanda ken sak-en.

Isaias 43:11

Sak-en et kedeng nan apo et kedkedengak is makaisalakan ken dakayo.

Isaias 44:6

Nan apo ay manakabalin ay mentoltolay ya mangsalsalaknib isnan Israel et siya na nan kanana, “Sak-en nan nangwada isnan am-in ay wada ya sak-en gedan nan mangkombos isnan am-in. Maid teken is dios nodi sak-en et kedeng.