Exodo 6:1 - Kalin Apo Dios

¹ Dat kanan nan apo ken Moses en, “Owen, ngem awnitmo ilaen nan ikkak isnan ali. Tay awnitak piliten ay mangipalobos isnan ipogawko. Kinatet-ewana et awnit mapilitan ay mangipakaan ken daida isnan ilina.”

Exodo 6:1 Iomraidhean Croise

Salmo 12:5

Dat kanan nan apo en, “Gapo isnan menseseg-angan di kodokdo ya nan men-ad-adawagan di mapalpaligatan et omaliyak et id wani ta isalakanko daida ay mangseseed ken sak-en.”

Salmo 12:6

Matalek nan kankanan nan apo tay kanegna nan natatanig ay balitok ay nasagasagat isnan apoy.

Salmo 136:12

Inkaana daida isnan dadama ay panakabalina tay nan adi menbalbaliw ay layadna et maid patenggana.

Salmo 89:13

Manakabalinka ya dadama nan kabaelam.

Exodo 11:1

Dat kanan nan apo ken Moses en, “Esang pay ay dosa nan ikkak isnan alin di Egipto ya nan ipogawna. No malpas na et awnit palobosana dakayo ay komaan. Kinatet-ewana et awnit palayawena dakayo am-in.

Exodo 12:31

Issan deey met laeng ay labi et pinaayagan san ali da Moses ken Aaron danat kanan ken daida en, “Komaan kayo ya nan iib-ayo ay Israelita isnan naay ay ilik. Enkayo mendayaw isnan apo ay din kinwaniyo.

Exodo 12:33

Dat ipapatin nan iyEgipto ta ikakamon nan Israelita ay komaan isnan ilida tay kananda en, “Awnit matey kami am-in no adi kayo komaan.”

Exodo 12:39

Idi inomdanda id Succot dadat otowen nan tinapay ay egay kabobodan ay in-gapoda id Egipto. Maid bobodna tay bigla nan nangpakaananda ken daida id Egipto isonga maid wayada ay nangisagana is tinapay ay nabobodan.

Exodo 14:13

Dat kanan Moses ken daida en, “Adi kayo omegyat, papipigsaenyo nan nemnemyo et id wani ay agew awnit mailayo nan ikkan nan apo ay mangisalakan ken dakayo. Awnit adiyo et mail-ila kasin nan naayda ay iyEgipto.

Exodo 7:4

Daket dosaen is mendagsen ay dosa nan iyEgipto daket ikaan nan ipogawko ay Israelita.

Exodo 7:5

Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan apo.”

Aapostolis 13:17

Nan daydayawen tako ay Judio et si Apo Dios. Siya nan nangpili isdin alal-apo tako ay an-ak din si Israel. Et siya gedan nan nangipaad-ado ken daida isdin ninteteanda id Egipto. Siya abes nan nangipaila isnan pigsana ay nangipango ken daida ay komaan id isdi.

Deuteronomio 32:39

Kedkedengak is apo tay maid teken is tet-eway Dios. Menpateyak ya mentagowak. Mensogatak ya men-agasak. Et maid makaiyadi isnan ik-ikkak.

Deuteronomio 4:34

Ay waday teken is dios is nang-ikaan isnan kaipoipogaw ay itoltolayan di teken ay ili ay kaneg nan inikkan nan apo ay Diosyo id Egipto? Inilayo met nan nangpaligatana ken daida isnan nang-ikkanana isnan kaskasdaaw, kaeegyat ya nan nanggobatana ken daida gapo isnan panakabalina.