Exodo 5:8 - Kalin Apo Dios

⁸ Ngem masapol ay paliso kayet nan bilang nan sapowenda issan sigod ay sinapsapoda. Masapol ay maid kolangna is olay esa. Sadotda isonga menpakpakaasida ken sak-en ay mangwani en, ‘Palobosam kad dakami ta omey kami men-idaton ken Apo Dios.’

Exodo 5:8 Iomraidhean Croise

Salmo 106:41

Binaybay-ana daida isnan kabaelan di kailiili tapno mentolay nan mang-aamis ken daida.

Exodo 1:11

Daet mendotok nan iyEgipto is kapatas ay mangpaobla isnan Israelita is mendagsen tapno mapaligatanda. Isonga pinabangonda isnan Israelita nan dowa ay ili ay Pitom ya Rameses ay pala isnan ali ay pagpondowan di makan.

Exodo 5:17

Dat kanan san ali en, “Sadot kayo od et adyanyo ay men-obla isonga dawatenyo ay palobosak dakayo ta omey kayo men-idaton isnan apo.

Exodo 5:19

Gintek et nan kakapatas ay am-amedda mapaligatan tay adida makatongpal issan bilin nan ali ay adida keskesayan nan bilang nan damiliyenda ay maisaad.

Exodo 5:7

“Isnan oblada ay mensapsapo is maisaad et inid-idyayo nan gomang ay itaptapida isnan kolayeng ngem id wani et adiyo et id-idya nan gomang ta daida nan makigad ay men-anap.

Exodo 5:9

Isonga patalabakowenyo daida is madagdagsen pay tapno maid wayada ay mendenge isnan kamkampot.”