Exodo 5:1 - Kalin Apo Dios

¹ Dat omey da Moses ken Aaron isnan alin di Egipto et kananda ken siya en, “Kinwanin nan apo ay Dios di Israel en, ‘Palobosam nan ipogawko ay omey isnan pondag ta menlagsakda isdi ay mangdayaw ken sak-en.’ ”

Exodo 5:1 Iomraidhean Croise

Salmo 119:46

Awnitko gedan ibaga nan bilbilinmo isnan aali et adiyak mabainan.

Exodo 10:3

Dat kasin omey da Moses ken Aaron isnan ali et kananda ken siya en, “Kanan nan apo ay Dios di Hebreo en ay tongona pay kano di menpakombabaam. Ipalobosmo et kano nan ipogawna ta omeyda mendayaw ken siya.

Exodo 10:4

No kayet ikekedsem et ipaiyalina is wakgat nan adoado ay dodon isnan am-in ay ilin di Egipto.

Exodo 10:9

Dat kanan Moses en, “Omey kami am-in. Ikawitmi nan an-akmi, nan kalnilo ya kaldingmi ya nan bakbakami tay masapol ay menlagsak kami ay mangdayaw isnan apo.”

Exodo 3:18

Awnit idngen nan ipogawko nan ibagam ken daida. Dakat maiboweg isnan aamam-an di Israelita ta omey kayo isnan alin di Egipto et kananyo ken siya en, ‘Nan apo ay Dios di Hebreo et ninpaila ken dakami. Isonga pangaasim ta palobosam dakami ay menbaat is tolo ay agew isnan pondag ta omey kami menpalti is igasingmi isnan apo ay Diosmi.’

Exodo 33:13

Et no tet-ewa ay kagagasingmo sak-en et ibagam ngalod nan laydem ay maikkan tapno getkek abes nan ikkak ay mensilbi ken sik-a tapno am-amedmo igasgasing sak-en. Adim kalkalingkingan ay pinilim nan naayda ay ipogaw ta men-ipogawmo.”

Exodo 6:11

“Enka ibaga isnan alin di Egipto ay masapol ay palobosana nan Israelita ay komaan.”

Exodo 7:16

No omdan san ali isdi dakat kanan ken siya en, ‘Inbaan nan apo ay Dios di Hebreo sak-en ay mangibaga ken sik-a en palobosam nan ipogawna ta omeyda mendayaw ken siya isnan pondag ngem enggana id wani et egaymo pinati.

Exodo 7:2

Ibagam ken Aaron nan am-in ay inbilinko ken sik-a et awnit siya nan mangibaga isnan ali ta palobosana nan Israelita ay komaan isnan ilina.

Exodo 8:1

danat kasin kanan ken Moses en, “Enka kasin issan ali ta ibagam en kanan nan apo en palobosam nan ipogawna ta omeyda mendayaw ken siya.

Exodo 8:16

Nakwas di dat kasin kanan nan apo ken Moses en, “Kasinmo ibaga ken Aaron ta isaplitna nan sokodna isnan lota et awnit menbalin ay tilang nan tapok isnan am-in ay ilin nan Egipto.”

Exodo 8:17

Dat tet-ewa isaplit Aaron nan sokodna isnan lota et ninbalin ay tilang nan am-in ay tapok id Egipto dadapay pomket isnan ipogaw ya talaken isdi.

Exodo 8:20

Dat kasin kanan nan apo ken Moses en, “Isnan wakgawakgat is wakgat dakat omey sab-aten nan ali no omey isnan ginawang dakat ibaga ken siya ay kinwanin nan apo en, ‘Palobosam nan ipogawko ta omalida mendayaw ken sak-en.

Exodo 8:27

Masapol ay menbaat kami is tolo ay agew isnan pondag ta siya nan mangdayawanmi isnan apo ay Diosmi tay siya nan inbagana.”

Exodo 9:1

Dat kasin kanan nan apo ken Moses en, “Omeyka kasin isnan ali ta ibagam en kinwanin nan apo ay Dios di Hebreo en, ‘Palobosam nan ipogawko ta omalida mendayaw ken sak-en.

Exodo 9:2

Tay no adim kasin kayten ay mangipalobos ken daida

Isaias 25:6

Isnan bilig nan Sion et awnit men-isagana nan apo ay manakabalin is menlagsakan pala isnan am-in ay il-ilin nan batawa ay nan kagagawisan ay sida ya mainom

Ezekiel 2:6

Ngem sik-a ay aped ipogaw et adika omeg-egyat ken daida wenno isnan kompolni ay kankananda. Awnitda adyan ya oyawen sik-a et awnit kanegka wada isnan kad-an di kagayagayaman. Olay no keg todi et adika omeg-egyat isnan nasokil ay ipogaw wenno isnan kompolni ay kankananda.

Mateo 10:18

Gapo isnan pammatiyo ken sak-en et awnitda idalom dakayo isnan aali ya gogobilnadol et siya di nan wayayo ay mangibaga isnan gawis ay damag isnan Judio ya nan baken Judio.

Mateo 10:28

Adi kayo omeg-egyat isnan menpatpatey tay kedeng nan awak is pateyenda nodi si Apo Dios nan omegyatanyo tay siya nan wada nan kalebbengana ay mang-igwa isnan awak ya nan ab-abiik di ipogaw isnan apoy ay adi katkatey.

Aapostolis 4:29

Id wani, Apo, ilam pod nan ik-ikkanda ay mangipaegyat ken dakami ay inbaam. Et anayam nan toledmi ay mamati ken sik-a ta ibagbagami kayet nan kankanam.

1 Corinto 5:8

Isonga pagasingen tako si Apo Dios ay kaneg nan ik-ikkan nan Judio ay mangipagasing ken siya isnan deey ay fiestada. Ngem baken kaneg nan ik-ikkanda ay adi mangbobod isnan tinapayda nan ikkan tako. Nodi nan kaanen tako et nan am-iam-in ay ngawi ay kaiyaligan nan bobod ta sokatan tako is osto ay nemnem ya gawis ay maikkan.