Exodo 4:4 - Kalin Apo Dios

⁴ Ngem dat kanan nan apo ken Moses en, “Depapem isnan ikona.” Dat tet-ewa depapen Moses isnan ikona daet ninpangabalin kasin is sokod.

Exodo 4:4 Iomraidhean Croise

Salmo 91:13

Awnitmo pay idaytak nan layon ya nan oweg. Owen, idaytakmo nan makedse ay layon ya nan menkedet ay oweg et maid ommat ken sik-a.

Exodo 4:3

Dat kasin kanan nan apo en, “Itep-am isnan lota.” Idi intep-an Moses dat ninbalin ay oweg dat ninpangatagtag si Moses ay mangad-addawi.

Exodo 4:5

Dat kasin kanan nan apo en, “Siya di nan ikkam tapno patiyenda ay ninpaila ken sik-a nan apo ay Dios din alal-apoda ay da Abraham, Isaac ya si Jacob.”

Marcos 16:18

ya no bangten nan oweg daida ya no ominomda is kedet et maid ommat ken daida. Ya mo gen-anda nan awak nan mensakit et gomawisda.”

Lucas 10:19

Inidyak od nan panakabalinyo tasiyay olay gatgatinanyo nan oweg ya nan minoong et maid ngawi is om-ommat ken dakayo ya abakenyo gedan nan kabaelan Satanas.

Juan 2:5

Ngem dat ibagan inana isnan deeyday baa isdi en, “Tongpalenyo am-in nan ibagana ken dakayo.”