Exodo 4:18 - Kalin Apo Dios

¹⁸ Nakwas pay di dat somaa si Moses issan baey Jetro ay katogangana et kanana ken siya en, “Pangaasim kad ama ta palobosam sak-en ay somagong isnan kakabagyak id Egipto ta omeyak ilaen daida no kasano nan biyagda.” Dat palobosan Jetro et kanana ken Moses en, “Omeyka baw, sapay koma ta gawis nan omayam.”

Exodo 4:18 Iomraidhean Croise

Genesis 45:3

Kinwanin Jose isnan bebsatna, “Sak-en si Jose. Ay daan obpay si ama?” Ngem issan nangdengan san bebsatna isnan kinwanin Jose et pilmi nan egyatda isonga adida makasongbat.

2 Aali 5:10

Dat ibagan Eliseo isnan esay baana ta ibagana ken Naaman en omey menletep is maminpito isnan Ginawang ay Jordan ta gomawigawis nan kolitna.

Exodo 2:21

Inmeyda inayagan si Moses et makkey isnan baeyda et makitee isdi. Dat ipaasawan Jetro ken Moses nan anakna ay si Sefora.

Exodo 3:1

Isnan naminsan ay agew ay ipaspastol Moses nan kalnilo ya kalding katogangana ay Jetro ay padi id Midian et inpadaana nan ipaspastolna isnan naango ay pondag engganay inomdanda id Sinai ay bilig ay awnit menpap-ailaan Apo Dios.

Lucas 7:50

Ngem dat kanan Jesus issan babai, “Nan pammatim nan nangisalakan ken sik-a. Somaaka et ay menlamlamnin.”

Aapostolis 15:36

Nakwas nan kaat ay agew dat kanan Pablo ken Bernabe, “Enta pasyalen nan ib-ata ay mamati ken Jesus isnan kailiili ay inmay-ayanta ay nangibaga isnan maipanggep ken Jesus ta ilanta no kas-anoda.”

Aapostolis 16:36

Dat ibagan san gowaldiya ken Pablo en, “Kanan nan mentolay en maipalobos kayo ken Silas. Isonga enkayo ya sapay koma ta badangan Apo Dios dakayo.”

1 Timoteo 6:1

Wada nan ibagak isnan ipogaw ay nailako ay menbaa. Olay no baa no esa ay mamati ken Jesu Kristo et ikkana ay gawis nan am-in ay ipaikkan nan apona ken siya ay mangipaila isnan lispitona. Ikkana di tapno adi madelaw si Apo Dios wenno nan mait-itdo ay magapgapo ken siya.