Exodo 4:10 - Kalin Apo Dios

¹⁰ Ngem dat kanan Moses isnan apo en, “Ngem apo, bakenak nalaing ay menkali enggana id kasin ya olay id wani ay inlogim ay makikalkali ken sak-en. Men-en-een-enak ay menkali ay kaneg aptiaptik nan dilak.”

Exodo 4:10 Iomraidhean Croise

Exodo 3:11

Ngem dat kanan Moses ken Apo Dios en, “Bakenak met sino tasiyay di omeyak isnan ali ay mangikaan isnan Israelita id Egipto.”

Exodo 4:1

Daet kanan Moses isnan apo en, “Ngem no pay adi mangpati nan Israelita ya adida mang-idnge dadapay kanan en egayka ninpaila ken sak-en, ngan pay di ikkak?”

Exodo 6:30

Ngem dat kanan Moses en, “Getkem met ay bakenak nalaing ay menkali. Adi adi mangidnge nan ali.”

Jeremias 1:6

Daket kanan en, “Owen a ngem apo, adiyak getken ay komali ay osto tay ongaak pay laeng.”

Mikias 6:4

Inkaanko dakayo id Egipto et nawayaan kayo isnan nabab-aanyo isdi. Inpaeyko pay da Moses, Aaron ya si Miriam ay mangipangpango ken dakayo isdin kinmaananyo isdi.

Aapostolis 7:22

Et naisolowan si Moses isnan am-in ay adal nan iyEgipto et nalailaing ay mangmangwani isnan kankanana ya mang-ik-ikkan isnan ik-ikkana.

2 Corinto 10:10

Tay baken tet-ewa nan mangmangwaniyan nan tapin di ipogaw isdi. Kankananda en, “Natoled si Pablo ay nangisolat isnan kankanana. Ngem no iilaem siya et kaneg kin-oy tay maid toledna ya maid paay nan kalkaliyena.”

2 Corinto 11:6

Olay bakenak nalaing ay men-osal isnan menkapapateg ay kali ngem adiyak menkolang isnan getkek ay maipanggep ken Apo Dios. Inpailami ay tet-ewa di isnan am-in ay inil-ilayo ken dakami.