Exodo 4:1 - Kalin Apo Dios

¹ Daet kanan Moses isnan apo en, “Ngem no pay adi mangpati nan Israelita ya adida mang-idnge dadapay kanan en egayka ninpaila ken sak-en, ngan pay di ikkak?”

Exodo 4:1 Iomraidhean Croise

Exodo 2:14

Dat songbatan san nakabasol et kanana en, “Ay sino nan nangdotok ken sik-a ay mentolay ya mang-banag ken dakami? Ay pateyem abes sak-en ay kaneg san inikkam issan esay iyEgipto?” Dat inmegyat si Moses et kanana isnan nemnemna en, gintekda et obpay san inikkak.

Exodo 3:15

Kinwanina pay en, “Ibagam isnan Israelita en sak-en nan apo ay Dios din alal-apoyo id kasin ay da Abraham, Isaac, yas Jacob nan nangibaa ken sik-a ay omey ken daida. Siya na nan ngadanko ay eng-engngana. Siya na nan awnit pangwanin nan am-in ay ipogaw ken sak-en.

Exodo 3:16

Enka dagopen nan aamam-an nan Israelita ta ibagam ken daida en sak-en ay apo ay Dios din alal-apoyo ay da Abraham, Isaac, yas Jacob nan ninpaila ken sik-a. Ibagam ken daida en gegetkek ya inilak nan mangpalpaligatan nan iyEgipto ken daida.

Exodo 3:18

Awnit idngen nan ipogawko nan ibagam ken daida. Dakat maiboweg isnan aamam-an di Israelita ta omey kayo isnan alin di Egipto et kananyo ken siya en, ‘Nan apo ay Dios di Hebreo et ninpaila ken dakami. Isonga pangaasim ta palobosam dakami ay menbaat is tolo ay agew isnan pondag ta omey kami menpalti is igasingmi isnan apo ay Diosmi.’

Exodo 4:10

Ngem dat kanan Moses isnan apo en, “Ngem apo, bakenak nalaing ay menkali enggana id kasin ya olay id wani ay inlogim ay makikalkali ken sak-en. Men-en-een-enak ay menkali ay kaneg aptiaptik nan dilak.”

Exodo 4:30

Dat ibagan Aaron ken daida nan am-in ay inbagan nan apo ken Moses dapay ipailan am-in Moses san deeyday kaskasdaaw isnan sagangda

Exodo 4:31

et namati nan Israelita. Idi dinngeda ay inmey nan apo ay nang-ila ken daida ya gintekna nan mangpalpaligatan di iyEgipto ken daida dadat menpalintomeng ay mendayaw.

Exodo 6:30

Ngem dat kanan Moses en, “Getkem met ay bakenak nalaing ay menkali. Adi adi mangidnge nan ali.”

Jeremias 1:6

Daket kanan en, “Owen a ngem apo, adiyak getken ay komali ay osto tay ongaak pay laeng.”

Aapostolis 7:25

Tay kanan Moses en waay gintek nan kadalaana ay siya nan pinilin Apo Dios ay mangipalobos ken daida isnan mapalpaligatanda ngem egayda obpay maawatan.

Ookom 6:17

Dat kanan Gideon en, “No magasinganka ken sak-en, kadya ngalod omipailaka is mangpaneknek ay tet-ewa ay sik-a apo nan makikalkali ken sak-en.