Exodo 34:7 - Kalin Apo Dios

⁷ Tongpalek nan insapatak isnan kalibolibo ay kap-owan nan ipogawko dakpay pakawanen nan basbasolda. Ngem dosaek nan managbasol ay enggana isnan maikatlo ya maikap-at ay aan-ak ya aap-oda.”

Exodo 34:7 Iomraidhean Croise

Genesis 19:16

Dapay mennenneney kayet si Lot ngem dat padangen san aanghel siya, si asawana ya san doway an-akna et ikaanda daida isdi tay sineg-angan nan apo daida.

1 Aali 8:30

Owen, isnan kad-am id daya et dengngem nan lowalok ya nan lowalon nan ipogawmo dakat pakawanen dakami.

Salmo 103:3

Pakawanena am-in ay basolko ya pagawisena am-in ay sakitko.

Salmo 109:14

Nenemnemen koma nan apo nan basol di alal-apona ya adina polos pakpakawanen nan basol di inana.

Salmo 130:4

Ngem sik-a et managpakawanka tasiyay di ipateg nan kaipoipogaw sik-a.

Salmo 136:10

Pinateyna nan iyon-a ay an-ak di iyEgipto ngem nan adi menbalbaliw ay layadna et maid patenggana.

Salmo 136:15

Ngem inlin-ebna nan alin di iyEgipto ya nan sosoldadona isnan Gadangdang ay baybay tay nan adi menbalbaliw ay layadna et maid patenggana.

Salmo 25:11

apo, gapo isnan kinagawismo et pakawanem kad nan basbasolko tay adoado.

Salmo 86:15

Ngem sik-a apo nan Dios ay managseg-ang ya managlayad. Bakenka pay nalaka ay makaliget ya itoltoloy nan adi menbalbaliw ay layad ya talekmo.

Salmo 99:8

Sik-a apo ay Diosmi et dinngem nan ipogawmo. Inpailam ay Dioska ay managpakawan ngem dinosam nan nakabasol.

Exodo 33:19

Dat kanan nan apo en, “Owen, ipailak ken sik-a nan kinagawisko daket abes kanan nan nadiosan ay ngadanko. Sak-en nan apo et ipailak nan layadko ya seg-angko isnan laydek ay mangipailaan.

Exodo 34:9

Danat kanan en, “apo, no tet-ewa ay kagagasingmo sak-en et dawatek ay makkeyka ken dakami. Nasokil nan naayda ay ipogaw ngem pakawanem nan kangawimi ya nan basbasolmi ta dawatem dakami ay men-ipogawmo.”

Isaias 45:21

Omali kayo ta ipagtekyo nan kasoyo isnan pag-okoman dayot ipalobos ay mensinoot nan naidalom. Sino nan nang-ipagtek id kasin isnan awnit ommat? Ay bakenak? Tay sak-en nan apo ay Dios nan mang-isalsalakan isnan ipogawna et maid teken is dios.

Mateo 12:31

Tet-ewa nan kanak ken dakayo en mabalin ay mapakawan am-in nan basbasol di ipogaw ken Apo Dios ya nan mangmangwani isnan ngawi maipanggep ken siya. Ngem nan komalkali is ngawi maipanggep isnan Ispirito Santo et adi mabalin ay mapakawan ay eng-enggana.

Mateo 6:12

Pakawanem nan basbasolmi ay kaneg nan mangpakawananmi abes isnan nakabasol ken dakami.

Lucas 7:42

Ngem gapo tay adida makabayad danat kaanen san otangda. Kadya ibagam ken sak-en no sino ken daida ay dowa nan dakdake nan layadna issan kadangyan?”

Lucas 7:48

Dat kanan Jesus issan babai, “Napakawan nan basbasolmo.”

Aapostolis 13:38

Isonga ibagami ken dakayo ay gagayyemmi en gapo isnan inikkan Jesus et mabalin ay pakawanen Apo Dios nan basol tako.

Aapostolis 5:31

Danat ipangato siya ta tomokdo isnan makanawana ta siya nan men-ap-apo ya siya nan mangisalsalakan ken datako tasiyay mawayaan tako ay Judio ay menbabawi tapno pakawanen Apo Dios nan basbasol tako.

Efeso 1:7

Nan basan Jesu Kristo ay inmayos isdin nateyana et siya nan nangsakbot ken datako isnan basbasol tako isonga pinakawan Apo Dios datako. Gapo tay managseg-ang siya

Efeso 4:32

Baken koma kaneg todi nan ikkan tako nodi men-inanos tako ya ipaila tako nan seg-ang tako isnan ib-a tako. Menpinakawan tako ay kaneg nan inikkan Apo Dios ay mangpakawan ken datako gapo ken Jesu Kristo.

Deuteronomio 32:35

Awnit men-ibaes nan apo et dosaena daida. Awnit omdan nan timpo ay maokomda ya nganngani nan kadosaanda.

Hebreo 12:29

tay si Apo Dios et dadama nan kabaelana ay mendosa ay kaneg nan apoy ay mangpoo isnan am-in.

Josue 24:19

Ngem dat kanan Josue issan kaipoipogaw en, “Ngem dakayo et waay adi kayo makasilbi isnan apo tay siya et manakabalin ya manag-imon ay Dios et adina pakawanen nan basbasolyo.

1 Juan 1:9

Ngem no ibaga tako ken Apo Dios en wada nan basbasol tako ya ibabawi tako et ikkana nan ostoosto ay mangpakawan isnan basbasol tako. Danapay pagawisen nan ogali tako tay matalek siya ay mangtongpal isnan inkalina ay ikkana gapo isnan nateyan Kristo ay nangsobot ken datako gapo isnan basbasol tako.

Naipagtek 21:8

Ngem nan mang-ik-ikkan is ngawi et kaeegyat nan awnit ommat ken daida tay am-in ay mangsolot ken Satanas ay kaneg nan adi matalek ya nan mangdokog isnan pammatida gapo isnan egyatda isnan ligat ya nan makiseyseyep isnan bakenda asawa ya mang-ik-ikkan isnan tap-in di asiasi ay kaneg todi ya nan menpatey is ipogaw, nan mentala ya men-ap-apos, nan mangpatpati is sinang didios ya am-in ay menkamkampot et awnitda mentetetetee isnan anaanawa ay menbidbidangan nan apoy ay kaneg nalilibowan ay makwani en maikadwa ay tetey.”