Exodo 34:6 - Kalin Apo Dios

⁶ Dat lomaos isnan sasagangen Moses et kasina kanan en, “Sak-en nan apo ay Dios ay managseg-ang. Bakenak nalaka ay makaliget nodi managlayadak ya matalekak.

Exodo 34:6 Iomraidhean Croise

1 Aali 19:11

Dat kanan nan apo en, “Bomalaka ta itakdegmo isnan kad-ak.” Ngem esapay bomala si Elias dat lomaos nan apo dat mendagem is napigsa et nang-ak nan bilbilig ya naamam-as nan batbato ngem maid nan apo issan dagem. Makwas pay ay nindagem dat wada nan yegyeg ngem maid gedan nan apo issan yegyeg.

1 Aali 8:30

Owen, isnan kad-am id daya et dengngem nan lowalok ya nan lowalon nan ipogawmo dakat pakawanen dakami.

Nehemias 9:17

Inadyanda ay mangtongpal ya kinalingkinganda din nakaskasdaaw ay inik-ikkam. Et gapo isnan lastogda et ninpilida is ap-apoda ay mangisagong kano ken daida id Egipto ta olay kasinda mabab-aa. Ngem sik-a nan Dios ay managpakawan, managseg-ang, managlayad ya bakenka nalaka ay makaliget isonga egaymo binaybay-an daida

Salmo 108:4

tay nan adi menbalbaliw ay layadmo et nangatngato mo nan daya ya nan kinamatalekmo et omdan isnan liboo.

Salmo 111:4

Adi ipalobos nan apo ay kalingkingan tako nan kaskasdaaw ay ik-ikkana. Wada nan kinagawis ya kinamanagseg-ang ken siya.

Salmo 111:8

ya adi kamkammid ay eng-enggana. Nasapo nan naayday bilbilin isnan kinatet-ewa ya kinaosto.

Salmo 112:4

Olay no mamingsan ay kaneg menbolinget ken siya et masilawan kayet gapo isnan kinagawisna, kinamanagseg-ang ya kinalintegna.

Salmo 116:5

Gawis ya managseg-ang nan apo ya manakipaglikna siya ay Dios tako.

Salmo 138:2

Menpalintomengak isnan sagang nan baeymo ya dayawek sik-a gapo isnan adi menbalbaliw ay layad ya talekmo tay napatpateg nan inik-ikkam ya insapatam isnan am-in.

Salmo 145:8

Managlayad ya managseg-ang nan apo dapay baken nalaka ay makaliget ya nan layadna et maid patenggana.

Salmo 146:6

ay nangsapo isnan daya, batawa, nan baybay ya nan am-in ay wada is dana ya kanayon ay mangtongpal isnan am-in ay inkalina.

Salmo 31:19

Dadama nan kinagawismo ay insaganam pala isnan mang-iyegyat ken sik-a ay nan gawis ay itedmo isnan menkamang ken sik-a ay iilaen di kaipoipogaw.

Salmo 57:10

Tay nan adi menbalbaliw ay layadmo et nangatngato mo nan daya ya nan kinamatalekmo et omdan isnan liboo.

Salmo 86:15

Ngem sik-a apo nan Dios ay managseg-ang ya managlayad. Bakenka pay nalaka ay makaliget ya itoltoloy nan adi menbalbaliw ay layad ya talekmo.

Salmo 86:5

apo, gawigawis ya managpakawanka. Dadama pay nan adi menbalbaliw ay layadmo isnan am-in ay mendawat ken sik-a.

Salmo 91:4

Salaknibana sik-a ay kaneg nan ikkan di manok ay mangsakoko isnan piyekna. Badbadangana danapay ay-ayowanan sik-a isnan kamatalekna.

Exodo 20:5

Adi kayo mendaydayaw wenno mensilsilbi isnan kompolni ay aped sinapsapon di ipogaw tay sak-en nan apo ay Diosyo et adiyak kayten ay waday maiyis-iso ken sak-en. Et isnan mang-adi ken sak-en et dosaek daida ya nan an-akda enggana isnan maikatlo ya maikap-at ay ap-oda.

Exodo 22:27

tay kedeng di is salapana isnan awakna ta pomopoos siya. Ngan pay iman di osalena ay maseyep? Tay no men-adawag ay menpabadang ken sak-en et dengngek siya tay managseg-angak.”

Exodo 33:19

Dat kanan nan apo en, “Owen, ipailak ken sik-a nan kinagawisko daket abes kanan nan nadiosan ay ngadanko. Sak-en nan apo et ipailak nan layadko ya seg-angko isnan laydek ay mangipailaan.

Proverbio 3:3

Adim kak-aanen nan layad ya talek isnan ogalim nodi kanegmo iyoway isnan bagangmo ya ippeymo isnan nemnemmo.

Joel 2:13

Ipailayo nan seg-angyo isnan ik-ikkanyo tay adi omanay nan mangsingsingatanyo isnan badbadoyo is mangipaila. Somagong kayo isnan apo ay Diosyo tay naanos ya managseg-ang siya. Maan-anosana dakayo danapay tongpalen nan inkalina. Kanayon ay nakasagana ay mangpakawan ken dakayo ay adi mendosa.

Jonas 4:2

Danat kanan, “apo, ay egayak kinwani isdin esakpay komaan id baey ay siya na nan awnitmo ikkan isonga inkakamok et tomagtagak ay omey id Espania? Getkek ay managlayadka ya managseg-angka ay Dios, naanos ya kanayon ay nakasaganaka ay mangbaliw isnan ninemnemmo ta adika mendosa.

Juan 1:17

Nan linteg Apo Dios nan inpagtek din si Moses ngem nan inpagtek Jesu Kristo et nan kinatet-ewan nan maipanggep ken Apo Dios ya nan layadna ken datako.

Roma 2:4

Adiyo patgen samet nan pilmi ay anos Apo Dios ken dakayo. Ay adiyo getken ay pilmi ay an-anosan Apo Dios dakayo tay sesesed-ena nan mangibabawiyanyo isnan ngawi ay ik-ikkanyo?

Deuteronomio 32:3

Idaydayawko nan apo et nan ipogawna nan mang-ibagbaga isnan kinangatona.

Deuteronomio 5:10

Ngem ipailak nan layadko isnan manglayad ken sak-en ya mangtongpal isnan bilinko et enggana isnan kalibolibo ay aap-oda is kasin.

Santiago 5:11

Din deeyda ay mamadto et kanan tako en nagasatda tay nakaanosda isnan ligat ay nangtongtongpal isnan layden Apo Dios. Dinngeyo nan inommat isdin si Job id sang-adom. Dadama din ligatna ngem inan-anosana isonga idi nakwas dat gawis nan ommat ken siya tay si Apo Dios et managseg-ang ya dadama nan layadna isnan ipogaw.