Exodo 34:5 - Kalin Apo Dios

⁵ Dat lomayog nan apo ay naitatapi isnan liboo et tomakdeg isnan sag-en Moses danat kanan nan ngadana ay apo.

Exodo 34:5 Iomraidhean Croise

Salmo 102:21

Ipagpagtek nan kaipoipogaw nan ik-ikkan nan apo id Sion dadapay daydayawen siya id Jerusalem

Exodo 19:18

San bilig ay Sinai et malilingban isnan asok tay linmayog nan apo ay naitatapi isnan apoy isnan toktok nan deey ay bilig dat menpangato nan asok ay kaneg nan asok di mapop-oowan ay bilig. Et pilmi ay menpaypayegpeg nan deeyday ipogaw gapo isnan egyatda.

Exodo 19:9

Dat kanan nan apo ken Moses en, “Awnitak omali ken sik-a ay maitatapi isnan menselelede ay liboo tapno dengngen nan ipogaw nan makikalkaliyak ken sik-a dadat patiyen sik-a koma ay eng-enggana.” Et inbagan Moses isnan apo nan kinwanin nan kaipoipogaw.

Exodo 33:19

Dat kanan nan apo en, “Owen, ipailak ken sik-a nan kinagawisko daket abes kanan nan nadiosan ay ngadanko. Sak-en nan apo et ipailak nan layadko ya seg-angko isnan laydek ay mangipailaan.

Isaias 1:10

Dakayo ay mentolay ya dakayo ay mentetee isdi et maiyiso nan ngawi ay ogaliyo isnan iSodoma ya iGomorra id kasin. Isonga dengngenyo nan kankanan nan apo ken dakayo. Masapol ay idngeyo nan isolsolon nan Dios tako ken dakayo.

Nomero 11:17

Et awnitak gomwab et makikaliyak ken sik-a isdi daket omala isnan tapin di laing ay nagapo isnan Ispiritok ay inidyak ken sik-a et idyak abes ken daida ta badanganda sik-a isnan biyangmo isnan naayda ay ipogaw et awnit adim iyeesang ay mang-aw-awit et.”

Nomero 11:25

Dat gomowab nan apo ay naitatapi isnan liboo et makikali ken Moses. Inalana nan tapin di laing ay nagapo isnan Ispiritona ay inidyana ken Moses id kasin et idyana issan pitompoo ay men-ipangpango ay lalalaki. Idi sinonggep nan Ispirito ken daida, ilogida et ay masibobogaw is siawyan ay kan-egda mamadto.

Nomero 14:17

Isonga id wani et dawatek ay ipailam ken dakami nan panakabalinmo ta ikkam din inkalim isdin nangwaniyam en,

Deuteronomio 32:3

Idaydayawko nan apo et nan ipogawna nan mang-ibagbaga isnan kinangatona.

1 Samuel 3:18

Isonga inbagan Samuel ken siya am-in ay maid polos in-gagagona. Dat kanan Eli en, “Siya nan apo et kalebbengana ay mang-ikkan isnan kagawisan ken siya.”