Exodo 33:22 - Kalin Apo Dios

²² Et isnan lomaosak ay mangipaila isnan pilmi ay silapko et ippeyko sik-a isnan nakakaongan ay bato daket lingban sik-a enggana ay mallosak.

Exodo 33:22 Iomraidhean Croise

1 Aali 19:9

Issan ninbaatan Elias et inomdan isnan bilig ay Sinai dat omyan isnan liyang. Dat kanan nan apo ken siya en, “Elias, ay ngan nan ik-ikkam isna?”

Salmo 18:2

Nan apo nan kaneg bato ay menkamkamangak ya siya gedan nan salaknibko. Owen, nan Diosko nan bato ay menkamkamangak tay isnan kawadana et maid om-ommat ken sak-en ya siya nan mangsasalida ken sak-en.

Salmo 91:1

Nan mentee isnan kad-an nan kangatowan ay apo ya isnan salaknibna ay manakabalin

Salmo 91:4

Salaknibana sik-a ay kaneg nan ikkan di manok ay mangsakoko isnan piyekna. Badbadangana danapay ay-ayowanan sik-a isnan kamatalekna.

Isaias 49:2

Pinabalina nan kalik ay mentadem ay kaneg tadem di gamig tapno songgep isnan nemnem di ipogaw danat salakniban sak-en isnan mismo ay limana. Pinabalina sak-en ay kaneg pana ay mentadem ay naisasagana

1 Corinto 10:4

Olay nan tapin di danom ay inin-inomda et inpabalana isnan bato. Naiyalig san bato ken Kristo ay mang-it-ited isnan masapol nan ipogawna. Tay si Kristo nan nangtaktakdo ken daida ay nang-it-ited isnan masapolda.

2 Corinto 5:19

Ibagbaga tako ay si Kristo nan kad-an nan somya ay mangpakawanan Apo Dios isnan basbasol di ipogaw tapno waday somya ay gayyemena daida. Siya dana nan intalek Apo Dios ken datako ay omey tako ibagbaga.

Deuteronomio 33:12

Isnan pay abes sinpangapon din si Benjamin et kinwanina en, “Daida nan ipogaw ay laylayden ya salsalakniban nan apo. Inagew ay banbantayana daida danapay ay-ayowanan daida isnan matatagowanda.”