Exodo 33:16 - Kalin Apo Dios

¹⁶ Ngan pay obpay di mangtekanda en kagagasingmo nan ipogawmo ya sak-en no adika makkey ken dakami? Nan mangbowegam ken dakami et siya nan kail-ana ay wada nan naitkenanmi isnan tap-in di ipogaw isnan batawa.”

Exodo 33:16 Iomraidhean Croise

Salmo 147:20

Egayna inik-ikkan na isnan tap-in di il-ili et adida getken nan lintegna. Madaydayaw nan apo.

Exodo 34:9

Danat kanan en, “apo, no tet-ewa ay kagagasingmo sak-en et dawatek ay makkeyka ken dakami. Nasokil nan naayda ay ipogaw ngem pakawanem nan kangawimi ya nan basbasolmi ta dawatem dakami ay men-ipogawmo.”

Exodo 8:22

Ngem isnan agew ay deey et adiyak itapi nan ili ay Gosen ay kad-an nan ipogawko tapno maid ngilaw isdi et siya nan mangtekam ay sak-en ay apo et wadaak isnan batawa.

Nomero 14:14

et awnit ibagada isnan ipogaw ay mentetee id isna dapay nan ipogaw isna et dinngeda et ay sik-a ay apo nan wada isnan liboo ay ipail-ilam ken dakami ay ipogawmo. Getkenda pay ay ipangpangom dakami isnan mendad-aananmi isnan omon-on-onaam ay kaneg napoponok ay liboo isnan kag-aw ya kaneg menbidbidang ay apoy isnan labi.

Mateo 1:23

“Awnit maliton nan babai dapay maid nangiseyseyep ken siya et awnit omanak is lalaki ay mangadanan is Emmanuel. Nan kanan nan naay ay ngadan et wada si Apo Dios ken datako.”

2 Corinto 6:17

Isonga kankanan Apo Dios en, “Taynanyo nan am-in ay ngawi. Adi kayo maipalpaliso ken daida. Am-in ay baken nadalos ken sak-en et adiyo sagsag-enen. No kaneg todi nan ik-ikkanyo et dawatek dakayo ay omali ken sak-en.

Deuteronomio 4:34

Ay waday teken is dios is nang-ikaan isnan kaipoipogaw ay itoltolayan di teken ay ili ay kaneg nan inikkan nan apo ay Diosyo id Egipto? Inilayo met nan nangpaligatana ken daida isnan nang-ikkanana isnan kaskasdaaw, kaeegyat ya nan nanggobatana ken daida gapo isnan panakabalina.

Deuteronomio 4:7

Tay maiwed ili ay olay no napatepateg is waday Diosda is kaneg nan Dios tako ay kanayon ay bomadang no masapol tako. Badangana datako isnan tonggal mendawatan tako ay menpabadang ken siya.