Exodo 33:13 - Kalin Apo Dios

¹³ Et no tet-ewa ay kagagasingmo sak-en et ibagam ngalod nan laydem ay maikkan tapno getkek abes nan ikkak ay mensilbi ken sik-a tapno am-amedmo igasgasing sak-en. Adim kalkalingkingan ay pinilim nan naayda ay ipogaw ta men-ipogawmo.”

Exodo 33:13 Iomraidhean Croise

Salmo 103:7

Inpagtekna isdin si Moses nan panggepna ya inpailana isnan Israelita nan kaskasdaaw ay inik-ikkana.

Salmo 119:33

Isolom ken sak-en apo nan kayat ay kanan nan lintegmo daket tongtongpalen isnan matatagowak.

Salmo 25:4

apo, ipailam nan osto ay daan ay masolot. Itdom ken sak-en nan laydem ay maikkan.

Salmo 27:11

apo, isolom nan laydem ay ikkak dakat iwaned sak-en isnan gawis ay daan tay mangseseed nan adoado ay mangbosboso ken sak-en.

Salmo 51:13

Daket isolo nan maipanggep ken sik-a isnan managbasol ta somagongda ken sik-a.

Salmo 86:11

apo, isolom sak-en isnan laydem ay ikkak et tongtongpalek nan katet-ewan nan magapgapo ken sik-a. Isolom sak-en ta adiyak mendowadowa ay mangdaydayaw ken sik-a.

Exodo 3:10

Et id wani ibaak sik-a ta omeyka isnan alin di Egipto ta ikaanmo nan ipogawko ay Israelita id Egipto.”

Exodo 3:7

Dat kasin kanan Apo Dios en, “Inilak nan dadama ay mapalpaligatan nan ipogawko id Egipto. Dinngek nan dawatda ay mensegseg-ang ta mabadanganda. Gintekko am-in nan ligatda.

Exodo 32:12

Awnit kanan pay nan iyEgipto en inbalam nan ipogawmo id Egipto gapo tay kaytem obpay ay mangpatey ken daida isnan bilbilig enggana ay maaminda. Pangaasim ta baewem nan ligetmo ken daida. Sokatam koma nan ninemnemmo ay ikkan ta adim dosdosaen nan ipogawmo.

Exodo 32:14

Isonga daet ibabawin nan apo san kinwanina et egayna et dosaen nan ipogawna.

Exodo 32:7

Dat kanan nan apo ken Moses ay daan isnan bilig en, “Ikamom ay lomayog tay nan ipogawmo ay inkaanmo id Egipto et ninbasolda dadapay inadyan sak-en.

Exodo 34:9

Danat kanan en, “apo, no tet-ewa ay kagagasingmo sak-en et dawatek ay makkeyka ken dakami. Nasokil nan naayda ay ipogaw ngem pakawanem nan kangawimi ya nan basbasolmi ta dawatem dakami ay men-ipogawmo.”

Exodo 5:1

Dat omey da Moses ken Aaron isnan alin di Egipto et kananda ken siya en, “Kinwanin nan apo ay Dios di Israel en, ‘Palobosam nan ipogawko ay omey isnan pondag ta menlagsakda isdi ay mangdayaw ken sak-en.’ ”

Isaias 30:21

No maliweng kayo isnan daanyo et awnit dengngenyo siya isnan dokoganyo ay mangwani en, “Naay nan daan ay daanenyo.”

Joel 2:17

Nan papadi ay mensilbi isnan apo isnan ninbaetan di altar ya nan segpan di templo et masapol ay men-agada ay menlowalo en, ‘apo, seg-angam kad nan ipogawmo. Adim koma ipalobos ay iiyawen ya selselaten nan tap-in di il-ili dakami ay mangmangwani en, “Into pay od nan Diosyo?” ’ ”

Juan 17:3

Nan gapo ay matagotago nan ipogaw ay eng-enggana et nan pangtekanda ay sik-a et kedkedeng nan tet-ewa ay Dios ya nan pangtekanda ken sak-en ay Kristo ay inbaam.

Roma 11:28

Gapo isnan nang-adyanan nan Judio ay mamati isnan gawis ay damag et kega boson Apo Dios daida. Ngem gapo isdi et nawayaan kayo ay baken Judio ay mabadangan. Ngem no nemnemen tako nan nangpiliyan Apo Dios ken daida et gagayyem Apo Dios daida met laeng tay ipogawna nan alal-apoda.

Efeso 1:17

Menlol-owalowak ken Apo Dios ay kadayawan ay Ama tako ay nangibaa ken Apo Jesu Kristo. Dawdawatek ay itedna koma ken dakayo nan silib ay magapo isnan Ispirito Santo ay mangipagtek isnan am-in ay maipanggep isnan kinadiosna tapno getkenyo siya ay osto.

Colosas 1:10

Dat mabalin ay ikkanyo nan layden Apo Dios ta dakayo nan mangipaila isnan gawis ay ogalin di mamati ken Kristo ya nan mangipagasing ken siya daet dadlo omad-ad-ado nan getkenyo ay maipanggep ken Apo Dios.

2 Pedro 3:18

Isonga baken kaneg todi nan ikkanyo nodi taptaptapiyanyo nan gawis ay ogaliyo ya nan mangtekanyo isnan maipanggep isnan Apo tako ay si Jesu Kristo ay nangisalakan ken datako. Sapay koma ta madayaw siya ay eng-enggana.