Exodo 33:12 - Kalin Apo Dios

¹² Dat kanan Moses isnan apo en, “Tet-ewa ay kinwanim en ipangok nan naayda ay ipogaw ay omey isnan daga ay kinwanim ngem egaymo inpagtek mo sino nan inbaam ay mangbadang ken sak-en dapay kinwanim en getkegetkem sak-en et kagagasingmo sak-en.

Exodo 33:12 Iomraidhean Croise

Genesis 18:19

Pinilik siya tasiyay ibilina koma isnan an-akna ya ap-ona ay tongpalenda sak-en ya ikkanda nan gawis ya osto. No siya di nan ikkanda et tongpalek am-in ay insapatak ken siya.”

Salmo 1:6

tay kawkawanan nan apo nan nalinteg dapay awnit madadael nan managbasol.

Exodo 3:10

Et id wani ibaak sik-a ta omeyka isnan alin di Egipto ta ikaanmo nan ipogawko ay Israelita id Egipto.”

Exodo 3:4

Idi mailan Apo Dios ay somagsag-en si Moses dat menkali isnan tengan san kaiw et kanana en, “Moses, Moses.” Dat somongbat si Moses ay mangwani en, “Ayta Apo, naayak ya.”

Exodo 32:34

Ngem awnit omdan nan agew ay mangdosaak isnan naayda ay ipogaw gapo isnan basolda. Sik-a pay et omeyka kitdin ta ipangom nan naayda ay ipogaw isnan daga ay inbagak ken sik-a. Adim kalkalingkingan ay wada nan anghelko ay mangipangpango ken sik-a.”

Exodo 33:17

Dat kanan nan apo ken Moses en, “Ikkak nan inbagam tay getkegetkek sik-a dakpay kagagasing sik-a.”

Exodo 34:9

Danat kanan en, “apo, no tet-ewa ay kagagasingmo sak-en et dawatek ay makkeyka ken dakami. Nasokil nan naayda ay ipogaw ngem pakawanem nan kangawimi ya nan basbasolmi ta dawatem dakami ay men-ipogawmo.”

Isaias 43:1

Sik-a ay ili ay Israel, kanan nan apo ay nangboliw ken sik-a en, “Adika omegyat tay isalakak sik-a. Dakayo ay iyIsrael, inayagak dakayo et menbalin kayo ay ipogawko.

Isaias 45:3

Daket ipalobos ay alaem nan gameng isnan nang-igagagowanda. Et siya nan awnitmo manggetkan ay sak-en ay apo ay Dios di Israel nan nangpili ken sik-a.

Jeremias 1:5

“Jeremias, pinilik sik-a esakapay maboliw. Esakapay maiyanak et dinotokak et sik-a ay mamadto isnan batawa.”

2 Timoteo 2:19

Ngem am-in ay kankanan Apo Dios et tet-etet-ewa ay adi masokasokat ay kaneg nan dakkel ay bato ay maid makaiwedwed. Et kankanana ay getkena nan tet-ewa ay maitatapi ken siya. Ya kankanana abes en no kanam en esaka ay maitatapi ken siya et masapol ay adim ik-ikkan nan ngawi.