Exodo 32:8 - Kalin Apo Dios

⁸ Binaybay-anda san bilinko ay kanak en tongpalenda dadapay sinmapo is sinangbaka ay sinokogda isnan balitok et siya nan daydayawenda ya mang-idatonanda isnan pinaltida. Kankananda pay en siya di nan diosda ay nangikaan ken daida id Egipto.

Exodo 32:8 Iomraidhean Croise

Nehemias 9:18

ay olay no inomsetda pay is kaneg baka ay sinangdidios dadapay kanan en siya nan dios ay nang-ikaan ken daida id Egipto. Aye pay di inkanda ay ninkalkali is ngawi ken sik-a.

Salmo 106:19

lsdin kawad-anda id Horeb et sinmapoda isnan balitok is kaneg baka dadat daydayawen san deey baka ay sinangdidiosda.

Salmo 78:36

Ngem kampot kadi nan ibagbagada ken siya ay olay no kaneg tet-etet-ewa nan kankananda.

Exodo 32:4

Dat alaen Aaron et lonagena danat ippey isnan pagsokogan et sapowena is kaneg baka. Dat kanan nan deeyday ipogaw en, “Datako ay Israelita, siya na nan dios tako ay nangikaan ken datako id Egipto.”

Jeremias 31:32

Baken paliso isdin nakitolagak isdin alal-apoda id kasin isdin nangbadangak ken daida ay komaan id Egipto tay olay sak-en ay apo ay Diosda nan nangbadang ken daida et egayda kayet tinongtongpal din nakitolagak ken daida.

Deuteronomio 32:17

Ninpaltida is in-gasingda isnan aanito ay baken tet-ewa ay Dios ya isnan dios ay egayda polos gin-gintek ya isnan dios ay egay polos dinaydayaw din alal-apoda.