Exodo 32:5 - Kalin Apo Dios

⁵ Dat somapo si Aaron is altar isnan sagang san balitok ay baka danat kanan issan deeyday ipogaw en, “Is wakgat datakot menlagsak ta padayawan tako nan Apo tako.”

Exodo 32:5 Iomraidhean Croise

Exodo 10:9

Dat kanan Moses en, “Omey kami am-in. Ikawitmi nan an-akmi, nan kalnilo ya kaldingmi ya nan bakbakami tay masapol ay menlagsak kami ay mangdayaw isnan apo.”

Exodo 12:14

Et masapol ay nan naay agew et siya nan esa ay napateg ay agew ken dakayo ta mangnemnemanyo ken sak-en ay apo ya isnan inikkak. Dakayot itoltoloyto ay mang-ik-ikkan is dana ay eng-enggana.”

Exodo 17:15

Dat somapo si Moses is altar ay men-idatonana ta men-iyamanana ken Apo Dios. Nginadnana di is “Nan apo Nan Mangbadbadang Isnan Mangab-abakak.”

Exodo 32:4

Dat alaen Aaron et lonagena danat ippey isnan pagsokogan et sapowena is kaneg baka. Dat kanan nan deeyday ipogaw en, “Datako ay Israelita, siya na nan dios tako ay nangikaan ken datako id Egipto.”

Exodo 32:6

Kawakgatana pay dat omyey nan deeyday ipogaw isnan talakenda ay mapoowan ya nan tap-in di isdada ay igasingda pala isnan madagdagopanda. Dadaet mangan dadapay men-gasgasing ya men-in-inom et ninbalin san laglagsakda is ngawi tay menbotengda dadapay mended-een.

1 Corinto 5:8

Isonga pagasingen tako si Apo Dios ay kaneg nan ik-ikkan nan Judio ay mangipagasing ken siya isnan deey ay fiestada. Ngem baken kaneg nan ik-ikkanda ay adi mangbobod isnan tinapayda nan ikkan tako. Nodi nan kaanen tako et nan am-iam-in ay ngawi ay kaiyaligan nan bobod ta sokatan tako is osto ay nemnem ya gawis ay maikkan.