Exodo 32:4 - Kalin Apo Dios

⁴ Dat alaen Aaron et lonagena danat ippey isnan pagsokogan et sapowena is kaneg baka. Dat kanan nan deeyday ipogaw en, “Datako ay Israelita, siya na nan dios tako ay nangikaan ken datako id Egipto.”

Exodo 32:4 Iomraidhean Croise

Nehemias 9:18

ay olay no inomsetda pay is kaneg baka ay sinangdidios dadapay kanan en siya nan dios ay nang-ikaan ken daida id Egipto. Aye pay di inkanda ay ninkalkali is ngawi ken sik-a.

Exodo 20:2

“Sak-en nan apo ay Diosyo ay nang-ikaan ken dakayo id Egipto ay nabab-aaanyo.

Exodo 20:4

Adi kayo somapsapo is daydayawenyo is tinagtago wenno kompolni ay kankaneg nan wada isnan daya, nan batawa, wenno isnan danom ay wada isnan daem nan lota.

Exodo 28:9

Danat itoloy ay mangibaga ken Moses en, “Omalaka is dowa ay nangina ay bato ay makwani en karnelia dakat isolat is dadi nan ngadngadan nan simpoo ya dowa ay an-ak din si Israel.

Exodo 32:1

Gapo tay nabayabayag si Moses issan bilig dat omey nan ipogaw ken Aaron et kananda ken siya en, “Ay ngan pay ngen nan inommat isnan kangadan is Moses ay nangibala ken dakami id Egipto? Isapowam et ngalod dakami is dios ay mangipangpango ken dakami.”

Exodo 32:24

Daket ibaga isnan wada nan balitok ay alitosda ta iyalida ken sak-en. Daket lonagen san alitosda et siya nan naay ay sinangbaka nan ninbalinana.”

Exodo 32:3

Daet kaanen nan deeyday ipogaw nan balitok ay alitosda et iyeyda ken Aaron.

Exodo 32:35

Dat ipaey nan apo nan sakit isnan kaipoipogaw ay dosada gapo tay pinilitda si Aaron ay mangsapo isdin balitok ay sinangbaka.

Exodo 32:5

Dat somapo si Aaron is altar isnan sagang san balitok ay baka danat kanan issan deeyday ipogaw en, “Is wakgat datakot menlagsak ta padayawan tako nan Apo tako.”

Exodo 32:7

Dat kanan nan apo ken Moses ay daan isnan bilig en, “Ikamom ay lomayog tay nan ipogawmo ay inkaanmo id Egipto et ninbasolda dadapay inadyan sak-en.

Exodo 32:8

Binaybay-anda san bilinko ay kanak en tongpalenda dadapay sinmapo is sinangbaka ay sinokogda isnan balitok et siya nan daydayawenda ya mang-idatonanda isnan pinaltida. Kankananda pay en siya di nan diosda ay nangikaan ken daida id Egipto.

Aapostolis 17:29

Isonga kanak en nan anak et awatenda nan kaanak ken daida. No datako nan anak Apo Dios et adi kabalin ay kanan tako en balitok wenno bato si Apo Dios ay sinapon di nalaing ay ipogaw is tinagtago.

Aapostolis 7:41

Dadat sapowen nan kanega anak di baka ay kinadiosda. Dadat ipaltiyan ay menlalagsak ya mangdaydayaw isnan sinapoda ay dios.

1 Corinto 10:7

Adi tako gedan ikkan nan kaneg nan inik-ikkan nan tapina ken daida ay manggasgasing isnan sinang didios. Getken tako ay inikkanda di tay naisolat isnan kalin Apo Dios nan mangwani en, “Nakwasda ay nangkakan isnan pinaltida ya inminomda ay mangdayaw isnan sinang didios ay sinapoda dadat ikkan nan ol-olay.”