Exodo 32:30 - Kalin Apo Dios

³⁰ Kawakgatana dat kanan Moses isnan deeyday ipogaw en, “Ninbasol kayo is mendagsen ngem omeyak id wani isnan bilig ay kad-an nan apo baleng pay maidawatko ta pakawanena nan basolyo.”

Exodo 32:30 Iomraidhean Croise

2 Samuel 12:9

Ngem ayta dakan egay tinongpal nan bilbilinko? Dakan inikkan nan naay ngawi? Pinapateymo si Urias isnan gobat tay inpapateymo isnan Ammonita ta asawaem nan asawana ay si Batseba.

Salmo 99:6

Din da Moses ken Aaron nan dowa isnan papadina ya din si Samuel gedan nan nangdaydayaw ken siya. Nindawatda isnan apo et dinngena daida.

Exodo 32:29

Dat kanan Moses isnan Levita en, “Id wani ay agew et pinabalinyo nan aw-awakyo ay padi isnan ninsilbiyanyo isnan apo isnan nangpateyanyo isnan an-akyo ya nan bebsatyo. Siya na nan gapo ay binindisyonan nan apo dakayo.”

Amos 5:15

Dokoganyo nan ngawi dayopay layden nan osto ya makailanyo ta nan nalinteg nan maikkan isnan pag-okoman. Et waay seg-angan nan kangangatowan ay apo nan ipogaw ay daan ay matmatago isnan naay ay ili.

Jonas 3:9

Baleng pay balbaliwan Apo Dios nan ninemnemna ta adi et makalkaliget ken datako ta adi tako matey.”

Lucas 15:18

Somagongak gayam ken Ama ta kanak, “Ama, nakabasolak ken Apo Dios ya ken sik-a abes

Lucas 7:47

Ibagak ngalod ken sik-a, gapo tay getkena ay adoado nan basolna ay mapakawan isonga siya na nan inikkana ay mangipaila isnan dakkel ay layadna ken sak-en. Ngem nan ipogaw ay mangwani en bassit nan basolna ay napakawan et bassit abes nan layadna.”

Galacia 3:13

Ngem gawis tay sinobot Kristo datako ta adi tako mabanag ay madosa ay eng-enggana gapo isnan adi tako makasolotan isnan am-in ay linteg. Adi tako madosa tay si Kristo nan nanglak-am isnan dosa tako. Nan inommat ken siya et kaneg nan naisolat id kasin isnan kalin Apo Dios ay mangwani en, “Nan kailasinan nan pilmi ay mangdosaan Apo Dios isnan ipogaw et maisakkey isnan kaiw.”

2 Timoteo 2:25

Nodi an-anosana ay mangpadas ay mangpaosto isnan nemnem nan mang-ap-apos ken siya ta baleng badangan Apo Dios daida ta ibabawida nan ngawi ta nan tet-ewa nan patiyenda.

Santiago 5:16

Isonga no binmasol kayo isnan iib-ayo et masapol ay menpakawan kayo. Masapol gedan ay ilowalowanyo nan iib-ayo tasiyay gomawis nan saksakityo. Tay nan lowalon nan mamati ay gawigawis nan ik-ikkana et pilmi nan kabaelana.

1 Samuel 12:19

Kinwanin nan kaipoipogaw ken Samuel en, “Pangaasim kad ta menlowaloka isnan apo ay Diosmo tapno adi kami matey tay tinapiyanmi nan basolmi isnan nindawatanmi is mangitolay ken dakami.”

1 Samuel 12:20

Dat kanan Samuel en, “Adi kayo omegyat. Olay no inikkanyo nan naay ngawi ngem adiyo koma amed anayan nan basolyo isnan mangdokoganyo isnan apo nodi silsilbiyanyo kayet siya isnan am-in ay kabaelanyo.

1 Samuel 12:23

Olay sak-en et makabasolak isnan apo no adiyak itoltoloy ay mangilol-owalo ken dakayo. Masapol gedan ay ibagak nan gawis ya osto ken dakayo.