Exodo 32:19 - Kalin Apo Dios

¹⁹ Idi nganngani ay omdan da Moses issan omap-apaanda et inilada san sinangbaka ya nan deeyday ipogaw ay mensalsala dat dadama nan ligetna danat men-ibkas san ginegen-ana ay bato isnan dalos poon nan bilig et nagpakda.

Exodo 32:19 Iomraidhean Croise

Salmo 119:53

Mensesese nan ligetko gapo isnan ik-ikkan di makedse ay adi mangpati isnan lintegmo.

Exodo 15:20

Nakwas pay di dat alaen Miriam ay mamadto ay babai ay besat da Aaron nan makwani en tamborin dat tadonen nan am-in ay bababai ay mang-ay-ayam isnan tamborinda dadapay mensalsala.

Exodo 32:11

Ngem dat menpakpakaasi si Moses isnan apo ay Diosna et kanana en, “apo, adika koma makaliget isnan ipogawmo ay winayaam id Egipto isnan kabaelam ya panakabalinmo ay inpail-ilam.

Exodo 32:18

Dat kanan Moses en, “Kaneg baken ngaban di nangabak wenno agan di naabak nan dedengngek nodi kaneg menkankanta.”

Exodo 34:1

Dat kasin kanan nan apo ken Moses en, “Somapoka kasin is dowa ay nadadampig ay bato ay kaneg san inmon-ona ta kasinko isolat din naisolat isdin bato ay ginpakmo.

Jeremias 31:32

Baken paliso isdin nakitolagak isdin alal-apoda id kasin isdin nangbadangak ken daida ay komaan id Egipto tay olay sak-en ay apo ay Diosda nan nangbadang ken daida et egayda kayet tinongtongpal din nakitolagak ken daida.

Mateo 5:22

Ngem ibagak ken dakayo ay nan ipogaw ay makaliget isnan ib-ana et awnit maiyeyda isnan pagbistaan. Ya nan ipogaw ay mangiiyaw isnan ib-ana et awnit maiyeyda isnan nangatngato pay ay pagbistaan. Ya nan ipogaw ay mangbab-aos isnan ib-ana et awnit omey isnan kad-an di apoy ay adi katkatey.

Marcos 10:14

Ngem idi inilan Jesus danat sagiiten daida ay mangwani, “Palobosanyo nan oongong-a ay omali ken sak-en. Adiyo iyadi daida tay nan mangtalek ken sak-en ay kaneg nan naayday oongong-a et daida nan maitapi isnan mentolayan Apo Dios.

Marcos 3:5

Dat mainge si Jesus isnan nang-il-ana ay maid somongbat ken daida tay ikekedseda ngem seg-angana met laeng daida. Danat kanan isnan nabingoy, “Oyadem nan ledengmo.” Inoyadna dat maoyad tet-ewa tay naagasan et.

1 Corinto 10:7

Adi tako gedan ikkan nan kaneg nan inik-ikkan nan tapina ken daida ay manggasgasing isnan sinang didios. Getken tako ay inikkanda di tay naisolat isnan kalin Apo Dios nan mangwani en, “Nakwasda ay nangkakan isnan pinaltida ya inminomda ay mangdayaw isnan sinang didios ay sinapoda dadat ikkan nan ol-olay.”

Efeso 4:26

No makaliget tako datakot pabaewen nan nemnem tako ta adi tako bomasol ay mang-ikkan is ngawi. Adi tako koma itoltoloy nan liget tako isnan sin-agew