Exodo 32:13 - Kalin Apo Dios

¹³ Nemnemem da Abraham, Isaac ya si Jacob ay baam. Nemnemem din insapatam ken daida ay paadowem nan an-akda ya aap-oda is kaneg nan kaad-adon nan talaw isnan daya dakat idya ken daida nan daga ay inkalim ay kowada ay eng-enggana.”

Exodo 32:13 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 12:7

Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 15:18

Et siya na nan nakitolagan nan apo ken Abram ay nangwaniyana en, “Isapatak ay idyak isnan ap-om nan am-in ay daga ay menlogi isnan beddeng di Egipto enggana isnan ginawang ay Eufrates.” Kinwanin Apo Dios en agtana si Abram is adoado is ap-ona ngem si Sarai ay asawana et adi kayet omanak isonga dat ibagan Sarai ken Abram en iseyepna si Agar ay baan Sarai tasiyay omanakda. Dat omanak tet-ewa si Agar is lalaki dat ngadnan Abram is Ismael.

Genesis 15:5

Danat ibaga en bomala si Abram danat kanan, “Tangadem pod id daya dakat padasen ay mangbilang isnan talaw tay awnit kaneg todi nan kaad-adon nan ap-om.”

Genesis 15:7

Danat kanan ken Abram, “Sak-en nan apo ay nang-ibala ken sik-a id Ur id Babilonia ta idyak ken sik-a nan naay daga ay menkowam.”

Genesis 17:8

Idyak ken sik-a ya nan ap-om nan naay ili ay menteteanyo. Am-in nan ili ay Canaan et kowan nan ap-om ay eng-enggana et sak-en nan Diosda.”

Genesis 22:16

“Kanan nan Apo en gapo tay sak-en nan tet-ewa ay Dios et awnitak pagasingen sik-a et tomet-ewa nan naay tay egaymo inyimot ken sak-en nan kedkedeng ay anakmo.

Genesis 22:17

Isapatak ay agtak sik-a is adoado ay apo ay kaneg nan kaad-adon nan talaw id daya wenno nan lagan isnan benget di baybay. Nan ap-om et awnitda abaken nan mangbosboso ken daida.

Hebreo 6:13

Din si Abraham nan esay pagbasalan nan kakakwanik. Tay id kasikasin et wada nan inkalin Apo Dios ken siya. Et insapatana ay awnitna tongpalen. Gapo tay maid nangatngato mo siya isonga nan ngadana nan inosalna ay ninsapata.