Exodo 32:10 - Kalin Apo Dios

¹⁰ Isonga adim iyad-adi sak-en tay dadama nan ligetko ken daida et dosaek daida. Daket paad-adowen nan an-akmo ya nan aap-om engganay menbalin kayo ay napigsa ay sinpangili.”

Exodo 32:10 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Salmo 106:23

Isonga kinwanin Apo Dios en dosaena nan ipogawna ngem si Moses ay pinilina ay baana et intakdegana daida ken Apo Dios tapno adi itoloy Apo Dios nan ligetna ay mangdosa ken daida.

Exodo 22:24

Daket makaliget et pateyek dakayo isnan gobat. Et awnit mabalowan nan as-awayo ay bababai ya nan an-akyo et awnit mangosowanda is ama.

Exodo 32:11

Ngem dat menpakpakaasi si Moses isnan apo ay Diosna et kanana en, “apo, adika koma makaliget isnan ipogawmo ay winayaam id Egipto isnan kabaelam ya panakabalinmo ay inpail-ilam.

Exodo 32:19

Idi nganngani ay omdan da Moses issan omap-apaanda et inilada san sinangbaka ya nan deeyday ipogaw ay mensalsala dat dadama nan ligetna danat men-ibkas san ginegen-ana ay bato isnan dalos poon nan bilig et nagpakda.

Nomero 14:12

Omipaiyaliyak is kaeegyat ay sakit ta mateyda am-in ngem awnitak paad-adowen nan aan-akmo ta ad-ad-ado ya napigpigsa kayo mo daida id wani.”

Santiago 5:16

Isonga no binmasol kayo isnan iib-ayo et masapol ay menpakawan kayo. Masapol gedan ay ilowalowanyo nan iib-ayo tasiyay gomawis nan saksakityo. Tay nan lowalon nan mamati ay gawigawis nan ik-ikkana et pilmi nan kabaelana.