Exodo 32:1 - Kalin Apo Dios

¹ Gapo tay nabayabayag si Moses issan bilig dat omey nan ipogaw ken Aaron et kananda ken siya en, “Ay ngan pay ngen nan inommat isnan kangadan is Moses ay nangibala ken dakami id Egipto? Isapowam et ngalod dakami is dios ay mangipangpango ken dakami.”

Exodo 32:1 Iomraidhean Croise

Genesis 19:14

Isonga dat omey si Lot isnan lalalaki ay inapona et kanana, “Ikamoyo ay komaan isna tay engewen Apo Dios nan ili ay naay!” Ngem kananda en aped ang-angawen Lot daida isonga adyanda ay komaan.

Genesis 39:8

ngem inadiyan Jose danapay kanan, “Ilam et maiwed kasasangotan asawam ay apok isnan am-in ay wada isnan baeyyo tay wadaak ay talkena ay mang-ayowan isnan am-in ay kokwana

Salmo 106:19

lsdin kawad-anda id Horeb et sinmapoda isnan balitok is kaneg baka dadat daydayawen san deey baka ay sinangdidiosda.

Exodo 13:21

Inpangpangon nan apo daida isnan kag-aw ya labi. Isnan kag-aw et nan liboo ay napoponok ay andoando nan mangipangpango isnan daanda dat isnan labi et nan apoy tay sisilawana daida tapno makabaatda isnan kag-aw ya labi.

Exodo 14:11

Kinwanida ken Moses en, “Ay gapo tay maid maikaobanmi id Egipto isonga inpaalim dakami id isna ay matey? Ilaem pod nan ommat isnan nangikaanam ken dakami id Egipto.

Exodo 16:3

ay mangwani ken daida en, “Pinatey koma laengen nan apo dakami isdin kawad-anmi id Egipto. Tay isdi et mabalin dadlo ay mensida kami is kalni ya mabalin ay mangan kami is kompolmi ay makan ay kaytenmi enggana ay maoma kami. Ngem inpaalim dakami isnan naay ay pondag ta matey kami is owatmi.”

Exodo 24:12

Dat kasin kanan nan apo ken Moses en, “Omalika ken sak-en isnan bilig et no wadaka isna daket idya ken sik-a nan dowa ay nadadampig ay bato ay nangisolatak isnan linteg ya bilbilin ay itdom isnan ipogaw.”

Exodo 24:18

Dat songgep si Moses issan liboo et mentee isdi is epatpoo ay agew ya epatpoo ay labi.

Exodo 32:11

Ngem dat menpakpakaasi si Moses isnan apo ay Diosna et kanana en, “apo, adika koma makaliget isnan ipogawmo ay winayaam id Egipto isnan kabaelam ya panakabalinmo ay inpail-ilam.

Exodo 32:22

Dat kanan Aaron en, “Adika adi makaliget ken sak-en. Getkem met ay napigsa nan nemnemda ay men-ikkan is ngawi.

Exodo 32:23

Kinwanida ken sak-en en adida kano getken nan inommat isnan kangadan is Moses ay nangikaan ken daida id Egipto isonga isapowak kano daida is dios ay mangipangpango ken daida.

Exodo 32:7

Dat kanan nan apo ken Moses ay daan isnan bilig en, “Ikamom ay lomayog tay nan ipogawmo ay inkaanmo id Egipto et ninbasolda dadapay inadyan sak-en.

Mikias 6:4

Inkaanko dakayo id Egipto et nawayaan kayo isnan nabab-aanyo isdi. Inpaeyko pay da Moses, Aaron ya si Miriam ay mangipangpango ken dakayo isdin kinmaananyo isdi.

Nomero 14:22

ay awnit maid matago isnan naayda ay aamam-a is esa songgep isnan deey ay daga. Inilada nan somili ay silangko isnan ninpap-ailaak ya nan kaskasdaaw ay inpailak id Egipto ya isnan pondag ngem namin-ado ay pinadasda nan anosko ya adida kayten ay tongpalen sak-en

Mateo 24:43

Tay kaneg nan mangakew, no getken nan akinbaey nan osto ay olas ay omaliyana et adi polos kaseyep ta adi makasgep nan mangakew.

Mateo 24:48

Ngem nan adi katalek ay baa et nenemnemena ay waay madmadney nan somaaan nan apoda

Aapostolis 17:29

Isonga kanak en nan anak et awatenda nan kaanak ken daida. No datako nan anak Apo Dios et adi kabalin ay kanan tako en balitok wenno bato si Apo Dios ay sinapon di nalaing ay ipogaw is tinagtago.

Aapostolis 19:26

Iilaen tako ya dedengngen tako abes ay adoado nan mamati isnan isolsolon Pablo id isna Efeso ya gistay am-iam-in nan kailiili isnan probinsiya id Asia. Et awisena daida ta dokoganda si Artemis tay kanana en baken tet-ewa ay dios nan aped sinapon nan ipogaw.

Aapostolis 7:40

Gapo tay nabayag si Moses isnan bilig ay Sinai, kinwanida ken Aaron ay iyon-an Moses en, ‘Somapoka is dios tako is mangipangpango ken datako. Adi tako getken no ngan di inommat ken Moses ay nangipango ken datako issan linmayawan tako id Egipto.’

2 Pedro 3:4

Kankananda en, “Ayke tet-ewa ay kasin somagong si Jesus ay kaneg nan inkalina? No tet-ewa di, tongona di omaliyana tapno ilaen tako? Nabayag nan nateyan nan alal-apo tako ngem egay kayet omali. Siyang na met laeng nan batawa ay kaneg isdin ninlogiyana.” Siya di nan kankananda.