Exodo 3:6 - Kalin Apo Dios

⁶ Dat itoloy Apo Dios ay mangwani en, “Sak-en nan Dios ay daydayawen din alal-apoyo id kasin ay da Abraham, Isaac yas Jacob.” Dat oppopen Moses nan angasna tay omegyat ay mang-ila ken Apo Dios.

Exodo 3:6 Iomraidhean Croise

Genesis 12:1

Kinwanin nan apo ken Abram, “Taynam nan iliyo ay naay, nan ag-iyo ya nan baey da amam ta omeyka isnan ili ay awnitko itdo ken sik-a.

Genesis 12:7

Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 17:3

Dat menlokbob si Abram ay mangdayaw isnan apo gapo isnan kaskasdaaw ay kinwanina. Dat kasin kanan Apo Dios,

Genesis 28:13

Isnan sag-ena et wada nan apo ay tomatakdeg ay mangmangwani en, “Sak-en nan apo ay Dios da Abraham ken Isaac ay amam. Awnitak idya ken sik-a ya nan ap-om nan daga ay naay ay pinopodanam.

Genesis 32:9

Nakwas pay di dat menlowalo si Jacob ay mangwani en, “Apo Dios ay Dios din alapok ay si Abraham ya Dios amak ay Isaac, inbagam en awnitmo pasagongen sak-en isnan ilik ya isnan ag-ik et gawis nan ikkam ken sak-en.

1 Aali 19:13

Idi dinngen Elias di danat ikobot nan kagayna isnan angasna dat bomala et itakdegna issan segpan san liyang. Dat wada nan menkali ken siya ay mangwani en, “Elias, ay ngan nan ik-ikkam isna?”

Nehemias 9:9

Nailam nan napalpaligatan din al-apomi id Egipto ya dinngem din nin-ad-adawaganda ay menpabadang isdin kad-anda isnan Gadangdang ay Baybay.

Salmo 132:2

Nenemnemem apo nan inkalina ken sik-a ay manakabalin ay Dios din si Jacob.

Exodo 15:2

Nan apo nan napigsa ay mangsalsalaknib ken sak-en. Siya nan nangisalakan ken sak-en. Siya nan Diosko ay daydayawek. Siya nan Dios din alal-apok isonga iday-engko nan kinangatona.”

Exodo 3:16

Enka dagopen nan aamam-an nan Israelita ta ibagam ken daida en sak-en ay apo ay Dios din alal-apoyo ay da Abraham, Isaac, yas Jacob nan ninpaila ken sik-a. Ibagam ken daida en gegetkek ya inilak nan mangpalpaligatan nan iyEgipto ken daida.

Exodo 33:20

Ngem adiyak ipaila nan angasko ken sik-a tay adi katago nan mang-ila isnan angasko.

Exodo 4:5

Dat kasin kanan nan apo en, “Siya di nan ikkam tapno patiyenda ay ninpaila ken sik-a nan apo ay Dios din alal-apoda ay da Abraham, Isaac ya si Jacob.”

Jeremias 31:33

Ngem siya na nan balo ay awnitko makitolagan isnan Israelita. Kanak en awnitak ipagtek nan lintegko ken daida. Owen, ipanemnemko ken daida ta adida polos kalkalingkingan ta sak-en nan Diosda et daida nan ipogawko.

Jeremias 32:38

Et awnit daida nan ipogawko dapay abes sak-en nan Diosda.

Ezekiel 11:20

ta ikkanda nan lintegko dadapay tongpalen ay ostoosto nan am-in ay bilbilinko. Awnit daida et nan ipogawko et sak-en nan Diosda.”

Zacarias 8:8

tay ayagak daida isnan solsolin nan batawa ta isagongko daida id Jerusalem ay teanda. Awnit daida nan ipogawko et sak-en nan Diosda ya nalinteg ya gawis nan ikkak ay mang-itolay ken daida.

Mateo 17:6

Isnan nangdengngan nan papasolotna isnan kali dat dadama nan egyatda et menlokbobda isnan lota.

Mateo 22:32

‘Sak-en nan Dios ay daydayawen da Abraham ken Isaac ya si Jacob.’ Ngem epdas natey da Abraham issan nangwaniyan Apo Dios isdi. Et siya di nan manggetkan tako ay matatago kayet nan natey ay ipogaw Apo Dios tay adi kabalin ay kanan Apo Dios en daydayawenda siya kayet no egayda natago kasin.”

Marcos 12:26

Et maipanggep isnan matagowan nan natey, ay egayyo binasa nan insolat din si Moses? Inpagtekna ay gintekna ay kasin matago nan natey isdin nangisolatana isnan inommat isdin nakikaliyan Apo Dios ken siya isdin menbidbidang ay kaiw. Tay insolatna nan kinwanin Apo Dios ken siya en, ‘Sak-en nan Dios ay daydayawen da Abraham ken Isaac ya si Jacob.’

Lucas 20:37

Adiyo patiyen nan kasin katagowan nan ipogaw ay natey ngem pinaneknekan din si Moses ay kasin matago nan natey isdin nangisolatana isnan inommat isdin nakikaliyan Apo Dios ken siya isnan menbidbidang ay kaiw en, ‘Sak-en nan Dios ay daydayawen da Abraham, Isaac ya si Jacob.’ Siya na nan insolat Moses dapay epdas natey da Abraham issan nangwaniyan Apo Dios isdi.

Lucas 5:8

Idi inilan Simon Pedro san inommat dat menpalintomeng ken Jesus et kanana, “Apo, mabainak ken sik-a tay managbasolak isonga taynam sak-en.”

Aapostolis 7:32

‘Sak-en si Apo Dios ay Dios din alapom ay da Abraham, Isaac yas Jacob.’ Dinngen Moses dat aped menpayegpeg et omegyat ay mang-ila.

Aapostolis 7:34

Tet-ewa ay inil-ilak nan mapalpaligatan nan ipogawko id Egipto. Dakpay dengdengngen nan adawagda. Isonga inmaliyak ay mangisalakan ken daida isnan mabab-aaanda. Aka ta ibaak sik-a ay omey id Egipto.’ Siya di nan kinwanin Apo Dios ken Moses.”

Deuteronomio 6:3

Isonga dakayo ay Israelita et idngeyo nan naayda ay linteg tapno gawis nan biyagyo ya omadoado kayo isnan menteanyo isnan deey ay gawigawis ya maloweb ay daga ay inkalin nan apo ay Dios din alal-apoyo.

Hebreo 11:16

Ngem egayda nodi kakakakayatda nan kagawisan ay ili et siya nan kad-an Apo Dios. Isonga gapo isnan gawis ay pammatida et maid polos kabainan Apo Dios isnan nangwaniyanda en si Apo Dios nan Diosda. Mamagtek ay tet-ewa di tay wada nan ili ay insaganana ay pala ken daida.

Hebreo 12:21

Gapo isnan pilmi ay kaeegyat ay ninpaila et kinwanin Moses en, “Menpaypayegpegak gapo isnan egyatko.”

Naipagtek 1:17

Isnan nang-ilaak ken siya et natokangak isnan sasagangena ay kanegak natey gapo isnan egyatko. Ngem danat ig-en nan makanawan ay ledengna ken sak-en ay mangwani en, “Adika omegyat tay sak-en na. Sak-en nan nangwada isnan am-in ay wada et sak-en gedan nan mangkombos isnan am-in.