Exodo 3:4 - Kalin Apo Dios

⁴ Idi mailan Apo Dios ay somagsag-en si Moses dat menkali isnan tengan san kaiw et kanana en, “Moses, Moses.” Dat somongbat si Moses ay mangwani en, “Ayta Apo, naayak ya.”

Exodo 3:4 Iomraidhean Croise

Genesis 22:1

Idi menbagot et si Isaac dat padasen Apo Dios si Abraham ta ilaena no tet-ewa ay patiyena siya. Kinwanina, “Abraham!” “Ayta Apo, naayak ya,” kinwanina.

Genesis 22:11

ngem dat menbogaw nan anghel nan apo id ngato ay mangwani, “Abraham! Abraham!” “Ayta apo” kinwanin Abraham.

Genesis 28:16

Idi magido si Jacob dat dadama nan egyatna isonga danat kanan, “Wada obpay tet-ewa nan apo isna dapay egayko gintek! Waay isna nan baey Apo Dios. Waay siya na nan segpan ay omey id daya!”

Salmo 62:11

Baken namnaminsan nan nangdengak ken Apo Dios ay nangnangwani en siya et kedeng nan kagapowan di panakabalin

Exodo 19:3

Dat tomikid si Moses isnan bilig ay makikali ken Apo Dios. Dat kanan nan apo ay wada isnan toktok di bilig ken Moses en, “Siya na nan ibagam isnan Israelita ay aap-on din si Jacob.

Exodo 3:2

Dat menpaila ken siya isdi nan anghel Apo Dios ay kaneg menbidbidang ay apoy isnan tengan di kaiw. Inilan Moses ay menbidbidang san kaiw ngem adi kangkangkangpos.

Exodo 33:12

Dat kanan Moses isnan apo en, “Tet-ewa ay kinwanim en ipangok nan naayda ay ipogaw ay omey isnan daga ay kinwanim ngem egaymo inpagtek mo sino nan inbaam ay mangbadang ken sak-en dapay kinwanim en getkegetkem sak-en et kagagasingmo sak-en.

Exodo 4:5

Dat kasin kanan nan apo en, “Siya di nan ikkam tapno patiyenda ay ninpaila ken sik-a nan apo ay Dios din alal-apoda ay da Abraham, Isaac ya si Jacob.”

Aapostolis 10:13

Danat dengngen nan kali ay mangwani en, “Ibangonmo, Pedro, ta pomaltika is isdam.” Ngem isnan Judio et adoado nan law-enda isnan datodi ay maisda.

Aapostolis 10:3

Isnan esay agew isnan alas tres isnan kag-aw et inbaan Apo Dios nan esay anghelna ken Cornelio ay mangwani, “Cornelio.”

Aapostolis 9:4

Dat matokang et dengngena nan kali ay mangmangwani, “Saulo, Saulo, dakan palpaligaten sak-en?”

Deuteronomio 33:16

Mapno koma nan dagada isnan am-in ay gawis ay banag ay binindisyonan nan apo. Siya nan apo ay ninkali isnan tengan di menbidbidang ay kaiw. Menpaay koma am-in dana isnan sinpangapon din si Jose tay siya nan nang-ipangolo isdin bebsatna.

1 Samuel 3:10

Dat somag-en nan apo ken Samuel danapay kasin ayagan ay mangwani en, “Samuel.” Dat kanan Samuel, “Komalika apo tay mendedengeak ay baam.”

1 Samuel 3:4

dat kanan nan apo en, “Samuel.” Dat kanan Samuel en, “Ayta apo?” Tay inpagalopna en si Eli

1 Samuel 3:6

Dat kasin ayagan nan apo si Samuel. Ngem si Samuel et adina getken ay nan apo nan mangay-ayag ken siya tay egay polos nakikalkali nan apo ken siya. Isonga kasin binmangon et omey ken Eli danat kanan, “Naayak apo tay nang-ayagka.” Ngem dat kanan Eli, “Dapay egayak inag-aggan sik-a. Somagongka bawet ta enka ipodan.”

1 Samuel 3:8

Dat kasin aggan nan apo si Samuel is maikatlo. Dat kasin bomangon et omey ken Eli et kanana, “Naayak apo tay nang-ayagka.” Nanemnem Eli ay nan apo nan mangay-ayag ken Samuel