Exodo 3:2 - Kalin Apo Dios

² Dat menpaila ken siya isdi nan anghel Apo Dios ay kaneg menbidbidang ay apoy isnan tengan di kaiw. Inilan Moses ay menbidbidang san kaiw ngem adi kangkangkangpos.

Exodo 3:2 Iomraidhean Croise

Genesis 22:11

ngem dat menbogaw nan anghel nan apo id ngato ay mangwani, “Abraham! Abraham!” “Ayta apo” kinwanin Abraham.

Salmo 66:12

Inpalobosmo pay ay gatigatinan nan mang-ap-apos dakami. Napaligatan kami pay isnan apoy ya layos. Ngem olay no keg todi et pinanam-aymo kasin dakami.

Exodo 19:18

San bilig ay Sinai et malilingban isnan asok tay linmayog nan apo ay naitatapi isnan apoy isnan toktok nan deey ay bilig dat menpangato nan asok ay kaneg nan asok di mapop-oowan ay bilig. Et pilmi ay menpaypayegpeg nan deeyday ipogaw gapo isnan egyatda.

Exodo 3:16

Enka dagopen nan aamam-an nan Israelita ta ibagam ken daida en sak-en ay apo ay Dios din alal-apoyo ay da Abraham, Isaac, yas Jacob nan ninpaila ken sik-a. Ibagam ken daida en gegetkek ya inilak nan mangpalpaligatan nan iyEgipto ken daida.

Isaias 43:2

No gomdang kayo isnan adaadaem ay danom et wadaak ken dakayo ta adi kayo maanod. No pilmi ay maliligatan kayo ay kaneg kayo mendad-aan isnan apoy et adi kayo mapoowan tay adi kayo masakitan isnan pamadpadas ken dakayo.

Malakias 3:1

Kanan nan manakabalin ay apo en, “Awnitak ipaey nan baak ay mang-isagana isnan omaliyak. Dat kawanada nan apo ay an-anapenyo isnan Templona. Owen, omali nan sedsed-enyo ay mangipagtek isnan nakitolagak ken dakayo.

Marcos 12:26

Et maipanggep isnan matagowan nan natey, ay egayyo binasa nan insolat din si Moses? Inpagtekna ay gintekna ay kasin matago nan natey isdin nangisolatana isnan inommat isdin nakikaliyan Apo Dios ken siya isdin menbidbidang ay kaiw. Tay insolatna nan kinwanin Apo Dios ken siya en, ‘Sak-en nan Dios ay daydayawen da Abraham ken Isaac ya si Jacob.’

Lucas 20:37

Adiyo patiyen nan kasin katagowan nan ipogaw ay natey ngem pinaneknekan din si Moses ay kasin matago nan natey isdin nangisolatana isnan inommat isdin nakikaliyan Apo Dios ken siya isnan menbidbidang ay kaiw en, ‘Sak-en nan Dios ay daydayawen da Abraham, Isaac ya si Jacob.’ Siya na nan insolat Moses dapay epdas natey da Abraham issan nangwaniyan Apo Dios isdi.

Juan 1:14

San Kali et ninbalin is ipogaw ay si Jesu Kristo dat makitee ken dakami. Am-in ay kinkinwanina et tet-ewa ya gawigawis nan inik-ikkana ay nangipaila isnan layadna. Inilami nan panakabalina ay inidyan Amana ken siya ay kedkedeng is Anakna.

Roma 8:3

Inikkan Apo Dios nan adi kabalin ay ikkan nan linteg Moses gapo isnan kamaid pigsan nan kaipoipogaw ay mang-adi isnan ngawi. Inpaalina nan Anakna isnan naay ay batawa ay ninbalin is ipogaw ay kaneg tako tapno siya nan madosa ay pala isnan basbasol di ipogaw. Gapo isnan inikkan Kristo et kinaan Apo Dios nan kabaelan nan basol ay mang-aw-awis ken datako.

Deuteronomio 33:16

Mapno koma nan dagada isnan am-in ay gawis ay banag ay binindisyonan nan apo. Siya nan apo ay ninkali isnan tengan di menbidbidang ay kaiw. Menpaay koma am-in dana isnan sinpangapon din si Jose tay siya nan nang-ipangolo isdin bebsatna.

Deuteronomio 4:20

Ngem dakayo nan insalakana id Egipto isnan dadama ay ligatyo ta menbalinena dakayo ay ipogawna ay kaneg id wani.

2 Tesalonica 1:7

Tay awnit omdan nan timpo ay maiden Apo Dios nan am-in ay ligat ay om-ommat ken datako id wani. Awnit tako somingpa isnan kasin omaliyan nan Apo tako ay si Jesus. Et makkey ken siya nan aanghelna ay mangipaila isnan pilmi ay kabaelana. Isnan omaliyana kasin ay magapo id daya et kaneg menbidbidang ay apoy nan awakna.