Exodo 3:18 - Kalin Apo Dios

¹⁸ Awnit idngen nan ipogawko nan ibagam ken daida. Dakat maiboweg isnan aamam-an di Israelita ta omey kayo isnan alin di Egipto et kananyo ken siya en, ‘Nan apo ay Dios di Hebreo et ninpaila ken dakami. Isonga pangaasim ta palobosam dakami ay menbaat is tolo ay agew isnan pondag ta omey kami menpalti is igasingmi isnan apo ay Diosmi.’

Exodo 3:18 Iomraidhean Croise

Genesis 12:1

Kinwanin nan apo ken Abram, “Taynam nan iliyo ay naay, nan ag-iyo ya nan baey da amam ta omeyka isnan ili ay awnitko itdo ken sik-a.

Genesis 15:1

Nakwas pay di dat menpaila nan apo ken Abram danat kanan, “Adika omegyat Abram tay salaknibak sik-a isnan kaeegyat dakpay agtan sik-a is gawis.”

Genesis 17:1

Idi siyampoo ya siyam nan tew-en Abram dat menpaila kasin nan apo ken siya et kanana, “Sak-en si Apo Dios ay manakabalin. Tongtongpalem sak-en ta adim ik-ikkan nan ngawi.

Salmo 110:3

Nakasagana nan ipogawmo ay maitapi ken sik-a isnan timpon di kabaelam ya mabegebegew nan badoda. Gawigawis ya menlamnin nan omaliyam ay mentolay ay kaneg nan monglo isnan wakgawakgat.”

Exodo 10:3

Dat kasin omey da Moses ken Aaron isnan ali et kananda ken siya en, “Kanan nan apo ay Dios di Hebreo en ay tongona pay kano di menpakombabaam. Ipalobosmo et kano nan ipogawna ta omeyda mendayaw ken siya.

Exodo 17:5

Dat kanan nan apo ken Moses en, “Ayagam nan tap-in di aamam-an nan Israelita ta on-onaanyo nan sanada ay ipogaw. Ikawitmo san sokodmo ay inyosalmo issan ginawang ay Nile.

Exodo 19:1

Dat komaan nan Israelita id Refidim et isnan omona ay agew isnan maikatlo ay bowan enggana isdin kinmaananda id Egipto et omdanda isnan pondag ay mangliliwes isnan bilig ay Sinai et isdi nan inmap-apaanda.

Exodo 3:12

Dat kanan Apo Dios ken siya en, “Wawawawadaak ken sik-a. Nan mangpaneknek ken daida ay sak-en nan nangibaa ken sik-a et nan mangipangowam isnan ipogawko ay komaan id Egipto ay omali isna ta daydayawenyo sak-en isnan naay bilig.”

Exodo 3:16

Enka dagopen nan aamam-an nan Israelita ta ibagam ken daida en sak-en ay apo ay Dios din alal-apoyo ay da Abraham, Isaac, yas Jacob nan ninpaila ken sik-a. Ibagam ken daida en gegetkek ya inilak nan mangpalpaligatan nan iyEgipto ken daida.

Exodo 4:1

Daet kanan Moses isnan apo en, “Ngem no pay adi mangpati nan Israelita ya adida mang-idnge dadapay kanan en egayka ninpaila ken sak-en, ngan pay di ikkak?”

Exodo 4:31

et namati nan Israelita. Idi dinngeda ay inmey nan apo ay nang-ila ken daida ya gintekna nan mangpalpaligatan di iyEgipto ken daida dadat menpalintomeng ay mendayaw.

Exodo 5:1

Dat omey da Moses ken Aaron isnan alin di Egipto et kananda ken siya en, “Kinwanin nan apo ay Dios di Israel en, ‘Palobosam nan ipogawko ay omey isnan pondag ta menlagsakda isdi ay mangdayaw ken sak-en.’ ”

Exodo 5:3

Dat kanan da Moses ken Aaron en, “Ninpaila nan Dios di Hebreo ken dakami. Pangaasim ta palobosam dakami ay menbaat is tolo ay agew isnan pondag tay enkami menpalti is igasingmi isnan apo ay Diosmi. No adi kami omey et baka pateyena dakami is sakit wenno gobat.”

Exodo 7:16

No omdan san ali isdi dakat kanan ken siya en, ‘Inbaan nan apo ay Dios di Hebreo sak-en ay mangibaga ken sik-a en palobosam nan ipogawna ta omeyda mendayaw ken siya isnan pondag ngem enggana id wani et egaymo pinati.

Exodo 8:1

danat kasin kanan ken Moses en, “Enka kasin issan ali ta ibagam en kanan nan apo en palobosam nan ipogawna ta omeyda mendayaw ken siya.

Exodo 8:20

Dat kasin kanan nan apo ken Moses en, “Isnan wakgawakgat is wakgat dakat omey sab-aten nan ali no omey isnan ginawang dakat ibaga ken siya ay kinwanin nan apo en, ‘Palobosam nan ipogawko ta omalida mendayaw ken sak-en.

Exodo 8:23

Awnitko iitken nan ipogawko isnan ipogawmo, ommatna is wakgat.’ ”

Exodo 9:1

Dat kasin kanan nan apo ken Moses en, “Omeyka kasin isnan ali ta ibagam en kinwanin nan apo ay Dios di Hebreo en, ‘Palobosam nan ipogawko ta omalida mendayaw ken sak-en.

Exodo 9:13

Nakwas pay di dat kanan kasin nan apo ken Moses en, “Masapaka is wakgat ta omeyka isnan ali ta ibagam en kinwanik en, ‘Sak-en ay apo ay Dios di Hebreo et kanak en palobosam nan ipogawko ta omalida ay mangdayaw.

Isaias 64:5

Tay badbadangam nan men-gasing ay mang-ikkan is osto ay mangnemnem isnan kaytem. Ngem isnan mang-itoltoloyanmi ay men-ikkan is ngawi et makalkaligetka ken dakami isonga ngan ngen di ikkanmi ta maisalakan kami?

Jeremias 26:5

ya no adiyo tongpalen din kinkinwanin din egayyo pinatpati ay mamadtok ay kanayon ay inbab-aak ken dakayo