Exodo 3:15 - Kalin Apo Dios

¹⁵ Kinwanina pay en, “Ibagam isnan Israelita en sak-en nan apo ay Dios din alal-apoyo id kasin ay da Abraham, Isaac, yas Jacob nan nangibaa ken sik-a ay omey ken daida. Siya na nan ngadanko ay eng-engngana. Siya na nan awnit pangwanin nan am-in ay ipogaw ken sak-en.

Exodo 3:15 Iomraidhean Croise

Salmo 102:12

Ngem sik-a apo et wadaka ay eng-enggana. Adi kalkalingkingan nan ap-on di ipogaw is kasin enggana is komasin sik-a.

Salmo 102:13

Awnitmo kasin seg-angan daida id Sion. Inomdan et nan timpo ay mapateg siya. Owen, id wani nan omno ay timpo.

Salmo 135:13

Sik-a apo et wawawawadaka ay eng-enggana. Adi polos kalkalingkingan nan aap-on di ipogaw is kasin enggana is komasin sik-a

Salmo 30:4

Ikantayo nan pangdaydayawyo isnan apo, dakayo am-in ay matalek ay ipogawna. Nemnemenyo nan kinapateg nan apo ta men-iyaman kayo ken siya.

Salmo 30:5

Tay nan ligetna et siawyan et kedeng ngem nan bindisyona et eng-enggana. Olay no men-agaka isnan labi ngem kawakgatana et wada et nan gasing.

Salmo 68:5

Si Apo Dios ay mentetee isnan napateg ay teana et siya nan salaknib di balo ya mang-ay-ayowan isnan ngoso.

Salmo 72:17

Adi makalkalingkingan koma nan ngadana nodi menbayag ay kaneg nan kabayagan di agew nan kadkadngeana. Mabadangan am-in ay il-ili gapo ken siya dadapay idawat ay bindisyonan Apo Dios siya.

Salmo 72:19

Daydayawenyo nan napateg ay ngadana ay eng-enggana ya mapno koma nan batawa isnan dayawna. Sapay koma.

Exodo 15:2

Nan apo nan napigsa ay mangsalsalaknib ken sak-en. Siya nan nangisalakan ken sak-en. Siya nan Diosko ay daydayawek. Siya nan Dios din alal-apok isonga iday-engko nan kinangatona.”

Exodo 3:13

Dat kasin kanan Moses en, “No pay omeyak isnan Israelita daket ibaga ken daida en inbaan nan Dios di alal-apoda id kasin sak-en ya no sootenda pay abes nan ngadana ya nan kanegna, ay ngan pay di esak kanan?”

Exodo 3:6

Dat itoloy Apo Dios ay mangwani en, “Sak-en nan Dios ay daydayawen din alal-apoyo id kasin ay da Abraham, Isaac yas Jacob.” Dat oppopen Moses nan angasna tay omegyat ay mang-ila ken Apo Dios.

Exodo 4:1

Daet kanan Moses isnan apo en, “Ngem no pay adi mangpati nan Israelita ya adida mang-idnge dadapay kanan en egayka ninpaila ken sak-en, ngan pay di ikkak?”

Exodo 4:5

Dat kasin kanan nan apo en, “Siya di nan ikkam tapno patiyenda ay ninpaila ken sik-a nan apo ay Dios din alal-apoda ay da Abraham, Isaac ya si Jacob.”

Exodo 6:2

Dat itoloy Apo Dios ay mangwani en, “Sak-en nan apo.

Isaias 26:8

Tongpalenmi nan kaytem tay maid teken is kaykayatmi ya namnamami nodi sik-a et kedeng.

Isaias 42:8

Sak-en et kedeng nan apo ay Dios et adi mabalin ay maitapi nan sinangdidios isnan kinangatok. Adiyak ipalobos ay itapida ay mangdayaw isnan tinagtago isnan mangdaydayawanda ken sak-en.

Isaias 9:6

Tay wada nan lalaki ay maiyanak pala ken datako et awnit siya nan mentolay ken datako. Awnit siya nan makwani en, “Masilib ay mamagbaga,” “Manakabalin ay Dios,” “Ama ay eng-enggana,” “Alin di menlamlamnin.”

Mikias 4:5

Isonga olay no daydayawen ya tongtongpalen nan wasdin ili nan diosda ngem datako et nan daydayawen ya tongtongpalen tako ay eng-enggana et nan apo ay Dios tako.”

Mateo 22:32

‘Sak-en nan Dios ay daydayawen da Abraham ken Isaac ya si Jacob.’ Ngem epdas natey da Abraham issan nangwaniyan Apo Dios isdi. Et siya di nan manggetkan tako ay matatago kayet nan natey ay ipogaw Apo Dios tay adi kabalin ay kanan Apo Dios en daydayawenda siya kayet no egayda natago kasin.”

Aapostolis 3:13

Baken dakami tay si Apo Dios ay dinaydayaw din alal-apo tako ay da Abraham ken Isaac yas Jacob nan nangipagawis ken siya ta madayaw si Jesus ay inbaana ken datako. Ngem indalomyo siya isnan iRoma dayopay inadyan isnan nangbistaan Pilato ken siya olay linayad Pilato ay ipalobos siya.

Aapostolis 7:32

‘Sak-en si Apo Dios ay Dios din alapom ay da Abraham, Isaac yas Jacob.’ Dinngen Moses dat aped menpayegpeg et omegyat ay mang-ila.

Deuteronomio 4:1

Kinwanin Moses ken daida en, “Tongpalenyo am-in nan linteg ay ibagbagak ken dakayo ta matagotago kayo et awnit kowaenyo nan daga ay idyan nan apo ay Dios din alal-apoyo.

Hebreo 11:16

Ngem egayda nodi kakakakayatda nan kagawisan ay ili et siya nan kad-an Apo Dios. Isonga gapo isnan gawis ay pammatida et maid polos kabainan Apo Dios isnan nangwaniyanda en si Apo Dios nan Diosda. Mamagtek ay tet-ewa di tay wada nan ili ay insaganana ay pala ken daida.

Hebreo 13:8

Tay si Jesu Kristo et adi menbalbaliw nodi paliso ay eng-enggana.