Exodo 3:12 - Kalin Apo Dios

¹² Dat kanan Apo Dios ken siya en, “Wawawawadaak ken sik-a. Nan mangpaneknek ken daida ay sak-en nan nangibaa ken sik-a et nan mangipangowam isnan ipogawko ay komaan id Egipto ay omali isna ta daydayawenyo sak-en isnan naay bilig.”

Exodo 3:12 Iomraidhean Croise

Genesis 15:1

Nakwas pay di dat menpaila nan apo ken Abram danat kanan, “Adika omegyat Abram tay salaknibak sik-a isnan kaeegyat dakpay agtan sik-a is gawis.”

Genesis 15:8

Ngem dat kanan Abram, “apo ay kangatowan, ngan di esak mangtekan ay awnitak menkowa sa?”

Salmo 86:17

apo, agtam kad sak-en is mailaan nan kinagawismo ta siyay mabainan nan mangliliget ken sak-en tay sik-a nan mangliwliwaliw ya mangbadbadang ken sak-en.

Exodo 3:1

Isnan naminsan ay agew ay ipaspastol Moses nan kalnilo ya kalding katogangana ay Jetro ay padi id Midian et inpadaana nan ipaspastolna isnan naango ay pondag engganay inomdanda id Sinai ay bilig ay awnit menpap-ailaan Apo Dios.

Exodo 3:13

Dat kasin kanan Moses en, “No pay omeyak isnan Israelita daket ibaga ken daida en inbaan nan Dios di alal-apoda id kasin sak-en ya no sootenda pay abes nan ngadana ya nan kanegna, ay ngan pay di esak kanan?”

Exodo 33:14

Dat kanan nan apo en, “Bowegek sik-a et awnitak pangabaken dakayo ta menlamlamnin kayo.”

Exodo 4:12

Ala omeyka et. Sak-en nan mangbadang ken sik-a ay menkali ya awnitak ibaga nan kanam.”

Exodo 4:15

Kakalim siya dakat ibaga nan awnitna kanan et sak-en nan mangbadang ken dakayo ay makikali ya awnitak ibaga nan ikkanyo.

Exodo 8:27

Masapol ay menbaat kami is tolo ay agew isnan pondag ta siya nan mangdayawanmi isnan apo ay Diosmi tay siya nan inbagana.”

Isaias 43:2

No gomdang kayo isnan adaadaem ay danom et wadaak ken dakayo ta adi kayo maanod. No pilmi ay maliligatan kayo ay kaneg kayo mendad-aan isnan apoy et adi kayo mapoowan tay adi kayo masakitan isnan pamadpadas ken dakayo.

Isaias 7:14

Id wani ngalod et nan apo mismo nan mang-idya is sinyal. Awnit maliton nan babassang ay maid nang-iseyseyep et omanak is lalaki danat ngadnan is Immanuel.

Jeremias 1:8

Adika omegyat ken daida tay wawawawadaak ay mangbadang ken sik-a. Sak-en ay apo nan ninkali.”

Mateo 28:20

Isolowanyo ay gawis daida tapno tongpalenda am-in nan inbagak ken dakayo. Ya adiyo kalkalingkingan ay wadaak ken dakayo ay eng-enggana.”

Marcos 16:20

Dat omey nan papasolotna ay mangibaga isnan gawis ay damag isnan kailiili et badbadangan Apo Jesus daida ay mang-idya isnan kabaelana ken daida ay mang-ikkan isnan kaskasdaaw ta kagtekana ay tet-ewa nan ibagbagada. Siya dadi nan inom-ommat.

Aapostolis 11:21

Inted Apo Dios nan kabaelanda ay men-is-isolo isonga adoado nan nangibabawi isnan basbasolda ta mamatida ken Apo Jesus.

Aapostolis 7:7

Ngem kanan Apo Dios en, ‘Awnitko dosaen nan deeyda ay ipogaw ay mangpaligat isnan ap-om. Et gapo isnan madosaanda et awnitda ipalobos nan ap-om ay komaan isdi ay omali kasin ay mangdaydayaw ken sak-en id isna.’”

Roma 8:31

Sino ngen nan kayat da todi am-in ay ipagtek? Nan ipagpagtekda ken datako et maid polos mabalin is mangipasakit ken datako tay pilmi nan layad Apo Dios ken datako.

Hebreo 13:5

Adiyo gamgamgaman ay bomaknang nodi mapnek kayo isnan wada ken dakayo tay kinwanin Apo Dios en, “Adiyak polos taytaynan dakayo wenno mamaiden nan badangko ken dakayo.”

Ookom 6:12

Dat menpaila san anghel Apo Dios ken siya et kanana en, “Wada nan apo ken sik-a, sik-a ay natoled ya napigsa.”

Ookom 6:16

Dat kanan nan apo en, “Ngem sak-en nan mangbadang ken sik-a isonga awnit nalakalaka nan mang-abakam isnan Midianitas ay kanegda es-esa ay lalaki et kedeng.”

Ookom 6:17

Dat kanan Gideon en, “No magasinganka ken sak-en, kadya ngalod omipailaka is mangpaneknek ay tet-ewa ay sik-a apo nan makikalkali ken sak-en.

Ookom 6:21

Dat isikgad san anghel Apo Dios nan sokodna issan kalni ya tinapay dat bomala nan apoy issan bato et mapoowan san kalni ya tinapay. Dat mamaid san anghel.