Exodo 3:11 - Kalin Apo Dios

¹¹ Ngem dat kanan Moses ken Apo Dios en, “Bakenak met sino tasiyay di omeyak isnan ali ay mangikaan isnan Israelita id Egipto.”

Exodo 3:11 Iomraidhean Croise

1 Aali 3:7

Et sik-a apo ay Dios nan nang-ipalobos ken sak-en ay men-ali ay mangsoblat ken ama ay din si David ay olay no daanak ay onga dakpay adi getken ay mentolay.

1 Aali 3:9

isonga iyalim ngalod nan silib ay masapolko isnan mang-itolayak isnan ipogawmo ya ta getkek nan gawis isnan ngawi. Tay ngan pay di ikakkak ay mentolay isnan naayda ay kaipoipogaw no maid silibko?”

Jeremias 1:6

Daket kanan en, “Owen a ngem apo, adiyak getken ay komali ay osto tay ongaak pay laeng.”

2 Corinto 2:16

Nan mangpati isnan kananmi et laydenda ay mangdenge isnan ibagbagami tay siya nan maagtananda is biyag ay maid patenggana. Ngem nan adi mamati ay adi maisalakan et adyanda ay mangdenge tay siya di nan mangtekanda ay awnitda madosa ay eng-enggana. Isonga gapo tay napatepateg nan oblami kanak en maid ipogaw is maibagay ay mang-ikkan.

2 Corinto 3:5

Tay getkenmi ay maid mabalin is ikkanmi is osto no kedkedeng nan awakmi is talkenmi. Nodi nan gapo ay makaikkan kami isnan ikkanmi et gapo tay badbadangan Apo Dios dakami.

Ookom 6:15

Dat kanan Gideon en, “Ngem apo, intoy ikkak ay mangisalakan isnan Israelita dapay nan pamilyak nan kakapsotan isnan aap-on din si Manases ya sak-en nan kababaan isnan pamilyan ama?”