Exodo 28:15 - Kalin Apo Dios

¹⁵ Somapoka gedan is pektoral ay pala isnan pegaew ay osalen nan kangatowan ay padi isnan panggetkana isnan layden Apo Dios. Masapol ay masapo isnan paliso ay lopot di efod ya sin-iso nan boldana.

Exodo 28:15 Iomraidhean Croise

Exodo 28:16

Nan bengbengetna et masapol ay menpapaliso nan kaandona ya nakopin ay naidobli. Sindangan nan kaan-andona ya sindangan gedan nan kaan-anawana.

Exodo 28:30

Ippeymo nan urim ya nan tummim isnan pektoral tapno awiten Aaron daida no songgep isnan kad-ak. Et osalen Aaron ay kanayon nan naay pektoral tapno getkena nan laydek ay pala isnan Israelita.”

Exodo 28:4

Ibagam ken daida ta omsetda is pektoral, efod, bado ya kagay ay naboldaan, bedbed ya balikes. Sapowenda nan naayda ay ganagwis ay badon di padi ay pala ken Aaron ay besatmo ya pala isnan an-akna tapno mensilsilbida ay padi ken sak-en.”