Exodo 28:12 - Kalin Apo Dios

¹² Dakat ippey nan naayday bato isnan poken di efod ta mangipanemnem isnan simpoo ya dowa ay aap-on din si Israel. Isnan kaneg tona et baklayen Aaron nan ngadngadanda tapno sak-en ay apo et adiyak kalkalingkingan nan ipogawko.

Exodo 28:12 Iomraidhean Croise

Salmo 89:19

Id kasin nin-ipagtekka isnan matalek ay baam et kinwanim en, “Dinotokak nan esay makabael ay mentolay. Owen, pinategko nan esay pinilik isnan kaipoipogaw.

Exodo 12:14

Et masapol ay nan naay agew et siya nan esa ay napateg ay agew ken dakayo ta mangnemnemanyo ken sak-en ay apo ya isnan inikkak. Dakayot itoltoloyto ay mang-ik-ikkan is dana ay eng-enggana.”

Exodo 28:29

Ta no songgep si Aaron isnan nadiosan ay kowalto et iyosalna nan pektoral ay naisolatan nan ngadngadan nan an-ak din si Israel tapno sak-en ay apo et awnitko nenemnemen nan ipogawko.

Isaias 62:6

Jerusalem, isnan aladmo et men-ippeyak is gowaldiya et masapol ay adida igiginek isnan kag-aw ya labi. Masapol ay adida salsaldengan ay mang-ipanemnemnem isnan apo nan inkalina.

Isaias 9:6

Tay wada nan lalaki ay maiyanak pala ken datako et awnit siya nan mentolay ken datako. Awnit siya nan makwani en, “Masilib ay mamagbaga,” “Manakabalin ay Dios,” “Ama ay eng-enggana,” “Alin di menlamlamnin.”

Lucas 1:54

Badbadangan Apo Dios nan ipogawna ay datako ay Judio ay eng-enggana tay egayna kinalkalingkingan din inkalina ken Abraham ya nan an-akna ay alal-apo tako. Tay kinwanina en seg-angana daida ya datako ay ap-oda ay eng-enggana.”

Aapostolis 10:4

Dat omegyat si Cornelio et ikikiyatna. Danat kanan, “Sino nan ibagam, Apo?” Dat kanan nan anghel, “Nenemnemen Apo Dios sik-a tay getkena nan ik-ikkam ay menlowalo ken siya ya getkena gedan nan ik-ikkam ay mangbadbadang isnan kokodokdo ay ipogaw.

1 Corinto 11:24

Dat men-iyaman ken Apo Dios danat amam-asen ay mangiwalas. Danat kanan en, “Siya na nan awakko ay itedko ay matey ay pala ken dakayo. Ik-ik-ikkanyo nan naay ay inikkak ay mangnemnemnem ken sak-en.”

Deuteronomio 33:12

Isnan pay abes sinpangapon din si Benjamin et kinwanina en, “Daida nan ipogaw ay laylayden ya salsalakniban nan apo. Inagew ay banbantayana daida danapay ay-ayowanan daida isnan matatagowanda.”