Exodo 24:8 - Kalin Apo Dios

⁸ Daet alaen Moses san basa ay naippey issan palanggana et iwaksina isnan ipogaw. Danat kanan en, “Siya na nan basa ay mangipaila ay inowenanyo nan bilbilin nan apo ken dakayo.”

Exodo 24:8 Iomraidhean Croise

Salmo 78:36

Ngem kampot kadi nan ibagbagada ken siya ay olay no kaneg tet-etet-ewa nan kankananda.

Exodo 24:6

Issan nangpaltiyanda issan idatonda et inalan Moses nan gedwan di basan san napalti ay talaken et inippeyna isnan kapalapalanggana danapay iwaksi nan gedwana isnan ig-igid nan altar.

Isaias 52:15

Ngem id wani et adoado nan il-ili ay masdaaw ken siya ya adi makakali nan aali gapo tay nasngangda. Nan egay nangdenge isnan maipanggep ken siya et awnitda ilaen siya ya awnitda maawatan nan maipanggep ken siya.”

Jeremias 31:32

Baken paliso isdin nakitolagak isdin alal-apoda id kasin isdin nangbadangak ken daida ay komaan id Egipto tay olay sak-en ay apo ay Diosda nan nangbadang ken daida et egayda kayet tinongtongpal din nakitolagak ken daida.

Ezekiel 36:25

daket walsiyan dakayo is nadalos ay danom ta madalosan kayo isnan mangdaydayawanyo isnan tinagtago ya isnan am-in ay mangipangawi ken dakayo.

Zacarias 9:11

Gapo isnan nakitolagak ken dakayo ay pinatet-ewan nan basan di napalpalti ay naidatdaton et wayaak nan iib-ayo ay naipakaan isnan iliyo ay ninpabaa isnan teken ay ili ay maid kalinteganda isnan ili ay menteteanda.

Mateo 26:28

Tay siya na nan basak ay mangipaila isnan balo ay nakitolagan Apo Dios isnan ipogaw. Ipailana nan men-ayosan nan basak ay mang-owas isnan basbasol nan ipogaw.

Marcos 14:24

Dat kanan Jesus ken daida, “Naay nan basak ay mangipaila isnan balo ay nakitolagan Apo Dios isnan ipogaw. Ipailana nan omayosan nan basak ay mangsakbot isnan ipogaw.

Lucas 22:20

Issan nakakananda danat idya kasin ken daida nan inomenda et kanana, “Siya na nan mangipaila isnan balo ay nakitolagan Apo Dios isnan ipogawna. Ipailana nan awnit men-ayosan nan basak ay mang-owas isnan basbasolyo.”

1 Corinto 11:25

Nakwas nan nangananda danat alaen nan inomenda. Danat kanan en, “Nan naay ay mainom et siya nan kaiyaligan nan balo ay tolag Apo Dios isnan ipogaw. Nan mangipatet-ewa isnan balo ay tolag et nan basak ay men-ayos isnan mateyak. Ik-ik-ikkanyo na ta adiyo kalkalingkingan sak-en.” Siya dadi nan inbilin Jesus.

Efeso 1:7

Nan basan Jesu Kristo ay inmayos isdin nateyana et siya nan nangsakbot ken datako isnan basbasol tako isonga pinakawan Apo Dios datako. Gapo tay managseg-ang siya

Deuteronomio 5:2

Isdin kawad-an tako isnan bilig ay Sinai et nakitolag nan apo ay Dios tako isnan Israelita

Hebreo 10:29

Isonga am-amed nan dosan nan ipogaw ay mang-iiyaw isnan Anak Apo Dios. No nemnemnemena ay maid paay nan basan Jesus ay intedna isnan nateyana tapno matongpal nan balo ay tolag Apo Dios ay nangdalos ken siya ya no iiyawena nan Ispirito Santo ay mangiyal-ali isnan gawigawis ay badang Apo Dios et bagayna no pilmi nan dosana.

Hebreo 13:20

Sapay koma ta gapo ken Jesu Kristo et ited Apo Dios ken datako nan masapol tako tapno mabalin ay ik-ikkan tako nan kayatna ya menbalinena datako is gawis ay ipogaw ay mangipagasing ken siya. Tay siya nan Dios tako ay mang-it-ited isnan natalna ay nemnem ya nangtago ken Jesus ay Apo tako ay mang-ay-ayowan ay gawis ken datako ay kanegna kakalnilo. Gapo isnan nateyana et nasapo nan balo ay tolag Apo Dios ay maid patenggana. Isonga daydayawen tako siya ay eng-enggana. Sapay koma ta matongpal.

Josue 24:25

Isonga issan deey ay agew ay kawad-anda id Sikem et si Josue nan nangitakdeg ay makitolag ken Apo Dios pala isnan deeyday ipogaw danat idya ken daida nan linteg ya bilbilin Apo Dios ay tongtongpalenda.

1 Pedro 1:2

Ninemnem Apo Dios ay Ama tako dakayo sakayopay maiyanak et pinilina dakayo tapno patiyenyo si Jesu Kristo ya tapno mapakawan nan basbasolyo gapo isnan nangipalobosana ay matey siya. Nan Ispirito Santo nan inbadangna ken dakayo ta madiosan kayo ay ipogawna. Sapay koma ta mataptapiyan ken dakayo nan layad, anos ya nan natalna ay nemnem ay magapgapo ken siya.