Exodo 24:6 - Kalin Apo Dios

⁶ Issan nangpaltiyanda issan idatonda et inalan Moses nan gedwan di basan san napalti ay talaken et inippeyna isnan kapalapalanggana danapay iwaksi nan gedwana isnan ig-igid nan altar.

Exodo 24:6 Iomraidhean Croise

Salmo 99:6

Din da Moses ken Aaron nan dowa isnan papadina ya din si Samuel gedan nan nangdaydayaw ken siya. Nindawatda isnan apo et dinngena daida.

Exodo 12:22

Omala kayo is sinpenge ay sangan di mola ay makwani en hisop dakayot isawsaw isnan palanggana ay naipay-an di basa dayot iwaksi isnan mensinombangil ya ngangatowen di segpan nan baeyyo. Dakayot mentetee isnan baeyyo ay maid bomalbala is olay esa ken dakayo enggana ay mawakgat

Exodo 12:7

Dadat omala isnan basa et imalkada isnan mensinombangil ya isnan ngangatowen nan segpan nan bab-aey ay mangisdaanda.

Exodo 24:8

Daet alaen Moses san basa ay naippey issan palanggana et iwaksina isnan ipogaw. Danat kanan en, “Siya na nan basa ay mangipaila ay inowenanyo nan bilbilin nan apo ken dakayo.”

Jeremias 31:32

Baken paliso isdin nakitolagak isdin alal-apoda id kasin isdin nangbadangak ken daida ay komaan id Egipto tay olay sak-en ay apo ay Diosda nan nangbadang ken daida et egayda kayet tinongtongpal din nakitolagak ken daida.

1 Corinto 11:25

Nakwas nan nangananda danat alaen nan inomenda. Danat kanan en, “Nan naay ay mainom et siya nan kaiyaligan nan balo ay tolag Apo Dios isnan ipogaw. Nan mangipatet-ewa isnan balo ay tolag et nan basak ay men-ayos isnan mateyak. Ik-ik-ikkanyo na ta adiyo kalkalingkingan sak-en.” Siya dadi nan inbilin Jesus.

Colosas 1:20

Et layden Apo Dios gedan ay maipos-a kasin ken siya nan am-in ay wada isnan batawa ya id daya tay naisiyanda ken siya. Isonga kinaana nan naisiyananda isnan inmayosan nan basan Kristo isnan nateyana isnan kros.

Hebreo 12:24

ya ken Jesus ay nangipatongpal isnan balo ay tolag. Nan nang-itedana isnan basana isnan nateyana et gag-awis nan inpagtekna mo nan basan Abel tay kabaelan nan basan Jesus ay mangdalos isnan basbasol di ipogaw. Ngem nan basan Abel et baes nan ibagana.

Hebreo 8:9

Baken paliso isnan nakitolagak isnan alal-apoda id kasin isdin nangbadangak ken daida ay komaan id Egipto tay egayda tinongtongpal nan nakitolagak ken daida. Siya di nan gapo ay binaybay-ak daida.

Hebreo 9:18

Keg todi abes nan inikkan Apo Dios. Tay olay nan damo ay tolagna et adi kaosal no maid matey tay masapol ay waday maibon-ong ta maited nan basana.

Hebreo 9:19

Et siya nan inikkan Moses id kasikasin. Inbagana omona nan am-in ay bilin ay wada isnan linteg ay inted Apo Dios ken daida. Dat omala is basan di napalti ay anak di baka et tapiyana is danom. Danat alaen nan esay logam ay makwani en hisop ay nabebedbedan is men-gadangdang ay dotdot di kalnilo ay nalobid. Danat itab-aw isnan basa et iwaksina isnan naisolatan nan linteg ya isnan kaipoipogaw abes.

Hebreo 9:21

Danat waksiyan abes nan baey ay nangdaydayawanda ken Apo Dios ya nan am-in ay maosal ay mentetee ay os-osalenda ay mangpateg ken siya.

1 Pedro 1:19

Nodi nan biyag Kristo ay nabanobanol nan insakbotna. Kanegna nan kalnilo ay maid polos danyona ay napalpalti ay naiboyag ken Apo Dios.

1 Pedro 1:2

Ninemnem Apo Dios ay Ama tako dakayo sakayopay maiyanak et pinilina dakayo tapno patiyenyo si Jesu Kristo ya tapno mapakawan nan basbasolyo gapo isnan nangipalobosana ay matey siya. Nan Ispirito Santo nan inbadangna ken dakayo ta madiosan kayo ay ipogawna. Sapay koma ta mataptapiyan ken dakayo nan layad, anos ya nan natalna ay nemnem ay magapgapo ken siya.