Exodo 24:4 - Kalin Apo Dios

⁴ Dat isolat Moses nan am-in ay bilin nan apo. Kawakgatana pay isnan wakgat dat somapo si Moses is altar ay maipaypay-an nan maited ken Apo Dios isnan gogowaben nan bilig danat batbaten nan simpoo ya dowa ay bato isnan bengetna ay mangipagtek ay simpoo ya dowa nan kap-owan din si Israel.

Exodo 24:4 Iomraidhean Croise

Genesis 12:7

Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 28:18

Nasapasapa si Jacob ay binmangon issan kawakgatana danat tooden san bato ay pinonganana ta mangipanemnemnem ken siya issan kinwanin Apo Dios. Danat bokbokan is lana ay olibo et siya nan indatona ay mangdayaw ken Apo Dios.

Genesis 28:22

Nan naay ay bato ay tinoodko et siya nan kadaydayawam ya awnitak mangidatdatonan isnan pagkasimpoon nan am-in ay iyal-alim ken sak-en.” Nakwas pay di dat omey id Haran et asawaena nan dowa ay sin-ag-i ay da Lea ken Raquel. Ninteteeda isdi is nasolok ay dowampoo ay tew-en esadapay komaan tay laydena ay somagongda issan baey amana et adoado nan an-akna ay naiyanak isdi ya adoado gedan nan bakana, kalding, kalnilo ya kamelna.

Exodo 17:14

Dat kanan nan apo ken Moses en, “Isolatmo nan naay ay inommat ta waday manemnemnemana. Ibagam ken Josue en awnitko dosaen nan Amelikita ta maid mabaybay-an.”

Exodo 17:15

Dat somapo si Moses is altar ay men-idatonana ta men-iyamanana ken Apo Dios. Nginadnana di is “Nan apo Nan Mangbadbadang Isnan Mangab-abakak.”

Exodo 24:7

Danat alaen san naisolatan di bilin nan apo et ibibiyadna ay mangbasa ta dedengngen nan ipogaw. Dadat kanan en, “Patiyenmi nan apo et tongpalenmi am-in ay bilina.”

Exodo 28:21

Isnan kada esa ay bato etmaisolat nan wasdin esa ay ngadan nan an-ak din si Israel ay mangipanemnemnem isnan aap-on din simpoo ya dowa ay aan-akna.

Lucas 22:30

tapno makiobong kayo isnan manganak isnan mentolayak, dakayopay tomokdo isnan tokdowan di ali ay mangbanag isnan am-in ay Judio ay aap-on din simpoo ya doway an-ak din si Israel.”

Josue 4:20

Dat itoping Josue id isdi nan simpoo et dowa ay bato ay inalada isnan Ginawang ay Jordan.

Naipagtek 21:14

San toping ay baked et wada abes nan simpoo ya dowa ay pegnadna et tonggal esay pegnad et naisosolat nan ngadan nan simpoo ya doway apostolis nan makwani en Kalnilo.