Exodo 24:3 - Kalin Apo Dios

³ Dat omey ibagan Moses isnan deeyday ipogaw nan am-in ay naibaga ya inbilin nan apo. Dat kanan am-in san deeyday ipogaw en, “Owen, ikkanmi am-in ay inbagan nan apo.”

Exodo 24:3 Iomraidhean Croise

Salmo 50:5

Kanana en, “Dagopenyo nan kananyo en matalek ay ipogawko, ay nakitolag kano ken sak-en isnan nin-idatdatonanda.”

Exodo 19:8

Dat kanan nan deeyday ipogaw en, “Owen, tongpalenmi am-in ay inbagan nan apo.” Dat omey si Moses et ipagtekna isnan apo nan kinwanida.

Exodo 24:2

Kedengka is somag-en ngem adi somagsag-en nan iib-am. Olay nan ipogaw et adida tomiktikid isnan naay bilig.”

Exodo 24:7

Danat alaen san naisolatan di bilin nan apo et ibibiyadna ay mangbasa ta dedengngen nan ipogaw. Dadat kanan en, “Patiyenmi nan apo et tongpalenmi am-in ay bilina.”

Deuteronomio 4:1

Kinwanin Moses ken daida en, “Tongpalenyo am-in nan linteg ay ibagbagak ken dakayo ta matagotago kayo et awnit kowaenyo nan daga ay idyan nan apo ay Dios din alal-apoyo.

Deuteronomio 4:5

Inbagak ken dakayo am-in nan linteg ay kaneg nan inbagan nan apo ay Diosko ay ikkak tapno tongpalenyo no wada kayo et isnan daga ay ngannganiyo gowaden ay menteeanyo.

Deuteronomio 5:1

Dat dinagop Moses nan Israelita et kinwanina ken daida en, “Dakayo ay Israelita, dengngenyo nan linteg ay ibagbagak ken dakayo id wani. Adalenyo ay gawis daida dakayot makailan ta tet-ewa ay tongpalenyo.

Deuteronomio 6:1

“Siya dana am-in nan linteg ay inbilin nan apo ay Diosyo en ibagbagak ken dakayo. Tongpalenyo dana isnan daga ay ngannganiyo menkowa.

Josue 24:21

Dadat kanan ken Josue en, “Baken sa, kaytenmi met a ay mensilbi isnan apo.”

Josue 24:22

Dat kanan Josue ken daida en, “Dakayo ngalod mismo nan mangpaneknek isnan nangpiliyanyo ay mensilbi isnan apo.” Dadat kanan en, “Owen, paneknekanmi.”

Josue 24:24

Dadat kanan ken Josue en, “Mensilbi kami isnan apo ay Dios tako ya tongpalenmi nan bilbilina.”