Exodo 24:16 - Kalin Apo Dios

^16-17 Dat gomwab isnan bilig nan somili ay kawad-an nan apo. San pang-iilaan nan Israelita et kaneg menbidbidang ay apoy issan toktok di bilig et kinobotan di liboo san bilig is enem ay agew. Dat issan maikapito ay agew et inayagan nan apo si Moses issan liboo.

Exodo 24:16 Iomraidhean Croise

Salmo 99:7

Isnan napoponok ay liboo nan ninkaliyana isnan ipogawna. Tinongpalda nan isolsolona ya tinongpalda nan linteg ay inidyana ken daida.

Exodo 16:10

Idi kakalkalin Aaron san deeyday ipogaw dat nin-ilada isnan liboo ay nagapo isnan pondag nan pilmi ay somili ay kawad-an nan apo.

Exodo 19:11

Dadat mensagana is katlona tay isnan deey ay agew et awnitak gomowab isnan bilig ay Sinai tapno ilaen am-in nan ipogaw sak-en.

Exodo 19:9

Dat kanan nan apo ken Moses en, “Awnitak omali ken sik-a ay maitatapi isnan menselelede ay liboo tapno dengngen nan ipogaw nan makikalkaliyak ken sik-a dadat patiyen sik-a koma ay eng-enggana.” Et inbagan Moses isnan apo nan kinwanin nan kaipoipogaw.

Exodo 20:10

Ngem men-illeng kayo isnan maikapito ay agew tay siya nan agew ay pala ken sak-en ay apo ay Diosyo. Isnan deey ay agew et adi kayo polos men-obla ay olay nan an-akyo, nan baayo, nan talakenyo wenno nan sangaili ay wada isnan teanyo.

Ezekiel 1:28

Wada nan am-in ay kolor di batikaang isnan silawna. Siya na nan makasili ay silaw ay mangipaila isnan kawad-an nan apo. Isnan nangilaak isnan naay daket menlokbob daket dengngen nan kali.

Nomero 14:10

Kanan nan deeyda ay ipogaw en ta gayangenda koma daida ta mateyda ngem dat menpaila nan somili ay kawad-an nan apo isnan ngangatowen san natoldaan ay pagdaydayawan.

2 Corinto 4:6

Tay si Apo Dios ay nangboliw isnan mangsilsilaw isnan menbolinget et siya gedan nan nangtanggew isnan nemnemmi ta ipailana nan kangatongatona ay il-ilaen tako ken Kristo.

Naipagtek 1:10

Ngem isnan esay agew ay Domingo et kinapet nan Ispiriton Apo Dios sak-en daket dengngen nan napigsa ay kali isnan dodokogek ay kaneg tanggoyob.