Exodo 22:23 - Kalin Apo Dios

²³ Tay no am-amisenyo daida et awnitda men-adawag ay menpabadang ken sak-en et sak-en ay apo et dengngek daida.

Exodo 22:23 Iomraidhean Croise

Salmo 10:14

Ngem sik-a, apo, et iilaem kadi nan madadanagan ya getkem nan maliligatan dakapay nakasagana ay mangbadang ken daida. Nan makasapol et sik-a nan kamkamangenda tay sik-a nan mangbadbadang isnan ngoso.

Salmo 140:12

apo, getkek ay badangam nan maaamis ya osto nan pangbanagmo isnan makasapol.

Salmo 145:19

Idyana nan masapol nan mangdayaw ken siya ya dengngena pay nan agada danat isalakan daida.

Salmo 18:6

Isnan naay ligatko et nin-adawagak isnan apo ta mangbadang siya ay Diosko. Et isnan templona et dinngena nan kalik tay inidngena nan nin-ad-adawagak.

Salmo 68:5

Si Apo Dios ay mentetee isnan napateg ay teana et siya nan salaknib di balo ya mang-ay-ayowan isnan ngoso.

Exodo 22:27

tay kedeng di is salapana isnan awakna ta pomopoos siya. Ngan pay iman di osalena ay maseyep? Tay no men-adawag ay menpabadang ken sak-en et dengngek siya tay managseg-angak.”

Lucas 18:7

Isonga si Apo Dios et am-amedna badangan nan ipogawna no mensegseg-angda ken siya is inagew ya linabi

Deuteronomio 10:18

Siya nan mang-itaktakdeg isnan ngoso ya nan balo. Laydena pay gedan nan sangaili ay makitetee ken datako ay Israelita ya pakanena ya badowana daida.

Deuteronomio 15:9

Adi kayo mendowadowa ay mang-idya isnan masapolda gapo tay nganngani nan tew-en ay mapakawanan di otang. Adiyo koma nemnemnemen ay ngawi nan kaneg todi tay no siya di nan ikkanyo isnan ib-ayo ay makasapol is badangyo et baka awnit men-adawag isnan apo et makabasol kayo.

Santiago 5:4

Getken Apo Dios ay kangatowan ay Apo ay sos-owitikenyo nan mangsamsama isnan payewyo. Dengdengngena nan mensegseg-anganda ken siya ta badangana daida tay adi omanay nan ilaglagboyo ken daida.