Exodo 22:21 - Kalin Apo Dios

²¹ Dat itoloy Apo Dios ay mangibagbaga isnan tap-in di bilina et kanana en, “Adiyo soksokilan wenno paligligaten nan sangaili. Nenemnemenyo ay dakayo et sangaili kayo gedan id Egipto.

Exodo 22:21 Iomraidhean Croise

Salmo 146:9

Salaknibana nan sasangaili ay mentetee isnan daga tako ya badangana nan balo ya ngoso ngem dosaena nan makedse.

Exodo 20:2

“Sak-en nan apo ay Diosyo ay nang-ikaan ken dakayo id Egipto ay nabab-aaanyo.

Isaias 1:17

dayot solowen ay mang-ikkan is osto dakayopay makailan ta nan nalinteg nan maik-ikkan dayopay badangan nan maaamis. Ikkanyo nan kalebbenganyo isnan ngoso dayopay salakniban nan balo.”

Jeremias 7:6

ya no isaldengyo ay mang-am-amis isnan sangaili, ngoso ya nan balo ya adi kayo menpatpatey isnan maid basolda ya isaldengyo ay mendaydayaw isnan sinangdidios ay mangipangawi ken dakayo

Levitico 19:13

Adiyo osalen nan ib-ayo isnan menkatagoyo gapo tay maid kabaelanda wenno ak-akewan daida. Adiyo iyawniawni is olay esa ay labi nan lagbon nan pinaoblayo.

Deuteronomio 10:18

Siya nan mang-itaktakdeg isnan ngoso ya nan balo. Laydena pay gedan nan sangaili ay makitetee ken datako ay Israelita ya pakanena ya badowana daida.

Deuteronomio 10:19

Isonga masapol ay laydenyo gedan daida tay olay dakayo et sangaili kayo id kasin id Egipto.