Exodo 20:7 - Kalin Apo Dios

⁷ Adiyo os-osalen nan ngadanko isnan ngawi ay banag tay sak-en ay apo ay Diosyo nan mangdosa isnan olay sino ay aped mang-os-osal isnan ngadanko.

Exodo 20:7 Iomraidhean Croise

Salmo 139:20

tay menkalida is ngawi maipanggep ken sik-a. Owen, ngawingawi nan kankananda.

Jeremias 4:2

ya no tet-ewa ya nalinteg nan ikkanyo ay mensapata isnan ngadanko et awnit ilaen nan tap-in di ipogaw ay baken Israelita nan ik-ikkanyo dadat dawaten nan bindisyonko ya mangdaydayawda abes.”

Levitico 19:12

Adiyo os-osalen nan ngadanko ay mensapata no nenemnemenyo ay adiyo tongpalen nan isapatayo tay maibabain nan ngadanko. Sak-en nan apo ay Diosyo.

2 Corinto 1:23

Ngem ibagak id wani nan gapo ay egayak inmey id issa ay mangpasyal ken dakayo. Egayak inmey tapno maagtan kayo is waya ay mangibabawi isnan basbasolyo ta adi masapol ay dosaek dakayo. Getken Apo Dios ay tet-ewa di.

Deuteronomio 10:20

Ipategyo nan apo ay Diosyo ta siya et kedeng nan daydayawenyo. Itoltoloyyo nan talekyo ken siya et no mensapata kayo et nan ngadana et kedeng nan iyosalyo.

Deuteronomio 5:11

Adiyo os-osalen nan ngadanko isnan ngawi ay banag tay sak-en ay apo ay Diosyo et dosaek nan olay sino ay aped mang-os-osal isnan ngadanko isnan ngawi.

Deuteronomio 6:13

Patgenyo nan apo ay Diosyo ta siya et kedeng nan daydayawenyo ya kedeng nan ngadana is osalenyo no mensapata kayo.

Santiago 5:12

Nan esa ay napatepateg ay ibagak ken dakayo ay bebsat et adi kayo mensapsapata ay mang-osal isnan ngadan Apo Dios wenno isnan kompolmi. Adi masapol di tay masapol ay matalek kayo ay kanayon ay men-ibagbaga isnan tet-ewa. Tay no osalem nan ngadan Apo Dios ay mensapata et madosaka.